الحلقة 129
~~~عند عزام~~~
حاس بلذة ماتتوصفش من قربو ليها كان فرحان
نزل راسو يطل عليها تفاجئ كي لقاها راقدة فصدرو
بغا يخليها فحضنو يشم ريحتها يشبع منها كي رضات يقربها يحس بتنفسها المنتظم كان راح يبقا هكا بصح ظهروا لي يوجع ماخلاهش حركها بلعقل وهو خايف عليها خايف لوكان يفيقها ولا يوجها كأنها قطعة زجاجية يبغي يحافظ عليها
بعد مجهود كبير قدر يحطلها راسها فلمخدة سحب لغطا غطاها وتسطح قدامها يخزر فيها مابغاش حتا يرمش عينيه بغا يحفظ ملامحها
ركز معا عينيها الكبار ورموشها الكثيفة بعدها هبط لخشمها الصغير سحرو شكلو كيفاش محمر من البكا بعدها خزر فشفايها لي يهبلوه يسنا برك وكتاش يحط شفايفو عليهم ويشبع منهم
تنهد وقرر يخرج خاف يتهور ويطيح عليها يخلعها وهو بسيف باش قدر يهديها
قعد فصالون يتونس معا التيفي وهو حاس بخنقة راح تقتلو
بعد فترة سمع تلفونو يصوني نقز يجري يرفد قبل ما يفيق غلا بصح غلا كان نومها خفيف فاقت ديراكت
شافت عزام داخل وهو معصب مفهمتش واشبيه
ماحسيتش بروحي كيفاش رقدت كل اللي متفكرتو عياط خالتي بعدها عزام لي جا يرضيني
غلا عدلت روحها تقعدت هاه كيفاش تسطحت هنا وتغطيت ستغربت
خزرت فيه كيفاش يهدر فتلفون بتشناف كان معصب
نضت من الفراش عدلتو وانا نترحم علا هداك لي يحكي معا عزام باينة كاش واحد دعا عليه حتا عيطلو افف ربي يستر برك من عفريتك يا عزام نتا لي تنشر الرعب فالناس
عزام اخخ لوكان حطيت تلفوني سيلونس كانت مزالها راقدة ففراشي وريحتها تلصق فيه
قلت بهدوء: ديرونجاك التلفون ياك
غلا: لالا نورمال
عزام: هيه كيفاش تحسي روحك دوكا نشاله مرتاحة
غلا يووه اكيد حس بضعفي وانا نحبش نبينلو قالت بغرور:ما بيا والو وعتابر لي شفتو ماصراش شكلي من كثر ماراني متوحشة بابا نفاجرت عليك سمحلي نوعدك مراحش تتعاود
عزام مصدوم 😲حس بموس تغرس فقلبو
من كلامها حس نبرتها فيها سخرية وستهزاء لمشاعرو واش لي مايتعاودش بالظبط اه اه يا قلبي مكتوب عليك لعذاب طول عمرك وانا لقلت بعد ما نصارحها توقف معايا وتعاونني مي دوماج خرج كلش حلم فحلم والبنت واضح رفضها ليك وضوح الشمس بصح لالا يا غلا ماشي عزام لي يرفضوه اذا ماطيحتكش فشباك حبي منكونش ولد بابا بقينا مدة نشوفو فبعضانا بلا هدرة غير نفسنا لي يتسمع
فقت علا حالتي خليتها غايسة رحت جبدت قشي بغيت نخرج نقعد وحدي شوية نخمم علا حياتي
بغيت نبعد علا هاد الجو ونظم افكاري
بقيت نلبس قدامها بلعاني هبطت راسها وخدودها راح يطرطقو من الحشمة
غلا اوف خامج مايحشمش لي يشوفو يقول موالفة حمار
بسيف باش قدرت نرفد راسي نشوف فيه بعد ما كمل لقيتو قدام لمراية يسقم شعرو عمر روحو بارفان لي نعشقها الغيرة راح تقتلني وين راح يخرج هكدا علاش مسقم روحو كلاني لفضول حبيت نسقسيه بصح مقدرتش نخرجو من فمي
جمعت قوتي وشجاعتي وقلت بهدوء:وين خارج الدنيا ليل والبرد برا
ضحكت من سؤالي غمضت عينيا نسنا فيه يهجم عليا يبهدلني اول مرة نتجرأ ونسقسيه
عزام كنت نشوف فيها من لمراية ركزت معاها كأنها تخمم تحب تهدر حاجة ودات وقت تخمم فالاخير نطقت بسيف هههه حكمت ضحكتي والله غير مهبولة زعما متحبش تبينلي ههه معليش دوك نوريك دورت لعندها عينيها مغمضين تبسمت وخرجت بلا ما نجاوبها
غلا😨😨😨😨 حست كأنو واحد كب عليها ماء بارد كيفاش تجاهلها ومهدرش معاها ممبا فلحقيقة كانت متوقعة هاد الشي مي هي حست بلغيرة راح تحبسلها قلبها سيرتو كي شافتو مكشخ اخ خايفة لوكان يولي لعوايدو اه لالا يا ربي ماديرهاش فيا وانا ماصدقت تعدل اخ لوكان يرجع لخماجو والله مانسمح لروحي خاطرو طلب مني نعاونو وانا تجاهلتو بأنانيتي الزايدة
أنت تقرأ
كرونيك :💕عنيد_&_عنيدة💕
عاطفية#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
