كرونيك :💕عنيد_&_عنيدة💕

الحلقة124

الحلقة124
غلا وقفت منصدمة من الهواش لي دار بينهم
زاد حزنها علا عزام حتا يماه بعيدة عليه ماوفرتلوش الحب والحنان
بقات واقفة حتا فيقها صوتو البارد
عزام كمل من صلاتو وقال بعد ما سلم بلا ما يدور لعندها: ما تعزفيش من يما وسمحيلي كي حطيتك فهاد الموقف
ما تحركتش بقات واقفة تخزر فيه وكأنها اول مرة تشوفو
شافتو رايح للسرير قالت: حاب نوصيلك علا حاجة فلغذا
عزام ببرود: لالا مبغيتش نتغدا
غلا بإصرار: لالا لازم تاكل خاطر الدوا تاعك قالتلي دينا لازم بعد ما ياكل
عزام تسطح وتغطا بلغطا لجديدة حس بإنتعاش قال : خلاص كيما تبغي
~~~عند شمس~~~
كيما خرجت من الدوش بعد مانحات عليها ريحة الحوت
شافت الساعة لقاتها 16h تواعدت معا نور يخرجو يتمشاو برا
وجدت روحها وراحت عند اياد كان راقد قالتلو راح تخرج
اياد بنعاس:اوكي بصح قبل التمنية تكوني فدار
شمس اوكي رفدت تلفونها لي يصوني وراحت تجري كانت نور تسنا فيها برا
~~~عند غلا~~~
جابو لخدم لغذا فلعربة سحبتها وداتها لاشونبر
غلا ستغرب علاش طولت قريب لعصر وهي مادخلتش كان جيعان بعد ما خفت حرارتو
نتابهلها داخلة تسحب لعربة بصعوبة تبسم وقال: حااي الله الله هذا كامل ليا
غلا وقفت وقالت: ايه نتا لازم تاكل باش تبرا رابيد
عزام تبسم وقال: مراح نحط لقمة ففمي الا اذا كليتي معايا
غلا بخجل يخالطو توتر :خلاص ناكل نوض قبل ما يبرد
تقعد وقال: واو هدا كامل نتي لي درتيه
غلا واشبيه عزراينو هدا مايعرفش طيابي قلت بخوف بلاك ماعجبوش:ايه
عزام حكم يدها وضغط عليها تبسم وقال: راح ناكل مدام درتيه بيدك ميرسي
غلا: بلا مزية
بعد ماكملو قامت تجمع الطابلة تحب تهرب من نظرات عزام راحت تسحب لعربة تخرج وقفت وقالت: دخل دوش باش يروح عليك العيا
عزام تبسم وقال: اوكي كاش ماتزيدي دكتور
غلا حست انو يتمسخر عليها كي ماكملتش قرايتها حبسها باباها من السنة اولى فالثانوي كان ضد دراسة البنات قالت: لا وخرجت وهو رفد الفوطة ودخل لسالدوبان