كرونيك :💕عنيد_&_عنيدة💕

الحلقة 72

الحلقة 72
~~~عند عزام~~~
كملو الاجراءات ديراكسيون لوتال
هبط من الطنوبيل شاورلها باش تهبط
هبطت وتمت تمشي موراه وتدعي ربي يكون معاها
دخلو وهو سكر لباب شاف فيها تبسم وبدا يقرب قال: مبروك عليك يا عروسة
غلا بدات تمشي للخلف حتا لصقت فلحيط
عزام متلذذ بخوفها نحالها خيمارها و قطعلها لعباية شافها بدات ترجف من الخوف حكمها وبدا يمسح علا خدها : هه واقيلا راكي خايفة يا بنت محمد مزال مابداش لعب مزال ماشفتي والو مزال ماديتش حقي من باباك الرخيس
غلا بعدتلو يدو بقوة وقالت: بابا اشرف منك يا الموسخ السكران
عزام شعل من كلمتها صار يضرب فيها بلا رحمة زرقلها جسمها و خلاها هكاك ملوحة فلقاعة كي لكلبة وراح يرقد
غلا ماقدرتش تتحرك بقات لاصقة فلقاعة تبكي شي من الالم وشي من الظلم
~~~الساعة 01:00~~~
تعمد باش يتوخر مايدخلش بكري ماحبش يتلاقا بيها حاب يكونترولي روحو و يسقم افكارو ويوجد روحو للخطوات لي قرر باش ينفدها
دخل للكوزينة يشوف واش ياكل
شمس عرفتو بلي دخل كانت تحس بخوف رهيب من تهديدو و فنفس لوقت حابة تسعدو خاطر يستاهل

لبست روب قصيرة ظهرها عريان نشفت شعرها و خلاتو مسيب كحلت ودارت قلوز في فمها دارت بارفانها و خرجت قررت تتعامل معاه كزوج و تعطيلو حقو خاطر نور بهدلتها
حوست عليه فالصالون مالقاتوش سمعت تقرقيب فلكوزينة راحتلو
دخلت و قالت بلعقل: سلام
كان مركز معا البيض دار لعنها حل عينيه من الصدمة
اياد هففف واش هدا حابة تقتلني
رد عليها ببرود و كمل لي كان يدير فيه
شمس واو يعني شمس تذل روحها علاجال إياد خرا اففف قالت: حسب حسابي معاك فلعشا جعت ماكليتش
اياد خنزر فيها و قال: خدمي عشاك وحدك مانيش خدام عندك
حط عشاه فسنيوة رفدها و خرج
شمس لحقتو : انا مانعرفش نطيت و نتا علابالك بهاد الشي وزكارة فيك راح ناكل من ماكلتك وقعدت قدامو
اياد تجاهلها بدا ياكل وهي تاكل معاه زكارة كي كملو قال اياد: جمعي لافيسال للكوزينة و رواحي نطلعو لاشومبر ولا نسيتي
شمس ولات تكح: كح كح كح
اياد يتبسم: والله غير وتموتي قدامي ومانتراجعش علا قراري
رفد سنيوا وصلها و رجع لعندها رفدها علا كتافو و طلع بيها لاشونبر