كرونيك :💕عنيد_&_عنيدة💕

الحلقة 176

الحلقة 176
~~~بعد شهر~~~
@شمس واياد عرفو جنس البيبي طفلة طايرين بلفرحة اياد ميحطهاش فلرض
@نور تشكر ربها وتزيد خاطر وحامها مجاش علا خالد جاها علا ايهاب مسكين وين تشوفو تروح تلصق فيه خالد فلول محبش وكيملقاش معاها حل خلاها فخاطرها ايهاب كل ميشوفها يهرب وهيا تبقا تبكيلو لخالد حتا يعيطلو وتروح تقعد قدامو تقيسلو فنيفو وتشوف فعينيه وكانت مركزة علا قرايتها هادا عامها لخر لازم تنجح @حنان وياسين داو ولادهم وراحوا لمكة عمرة قريب يرجعو حنان توجد روحها ليزيكزامان
@اما اسيرة الاحزان مزالها فحالها عزام مزال مرضاش يسامحها ويفتح معاها صفحة جديدة وهيا حاسة بالهم الكبير لي عايشة فيه
سي فري مولاش يضربها ويعيط عليها مي هيا بغات يوليلها عزام لي حباتو ولي عشقاتو
كانت كيما دخلت فالشهر 7 حاسة بلخنقة طول لوقت مقابلة التيفي تفرفط فليشان تفكرت يمات عزام لي تقربت ليها ولات طل عليها كل يوم واكثر من مرة تحكي معاها وتوانسها مي دوكا سافرت عند خوها دنيا تعبها الوحم ولات متجيش لعندهم بزاف دينا مسافرة معا شهاب لباريس تنهدت وقالت: كل واحد متلهي فحياتو ونتي يا غلا موتي واحد ميسمع بيك
طفت التيفي وجا علا بالها تخرج تتمشا فلجنينة تشم شوية هوا
كانت لابسة روب تاع الحوامل خفيف زادت فوقو خيمار يغطيها وخرجت
وصلت للجنينة عجبها الجو الشتا قريب تدخل بقات تمشي وهيا سرحانة فتخمامها
قعدت فكرسي قدام لابيسين تشوف فالخدم كل واحد مركز فشغلو تمنات كون يرجع بيها الزمان وتغير احداث من حياتها
تمنات كون مشافهاش عزام هداك ليوم فالصالون حتا تعلق فيها وخلاها تحبو بالسيف عليها
نتابهت للخدامة لي دازت قدامها رافدة كرتون معمر بليفروي
شافت الاناناس تشهاتو طلبت منها تجيبلها
~~~عند اياد~~~
دخل للدار سقسا الخدامة علا شمس وقاتلو من الصباح وهيا فغرفة لبيبي
راح لعندها يطير
دخل عندها لقها تشوف فحوايج لبيبي وتتبسم قرب عندها يتبسم باسها من خدها وقال: واش بيك واقيلا معجبوكش لحوايج
قالت : لالا بلعكس كامل عجبوني وهدا لي محيرني واش راح نلبس بنتنا كي اول مرة
اياد: 😨😨😨 واش من نيتك كل هاد الخير ونتي تقلي متحيرة والله غير مكذبش لي قال النسا ناقصات دين وعقل
شمس حمرت فيه عينيها واياد تبسملها بغباء: زعما نتوما الرجال متصلحو لحتا حاجة جايبين غير لعذاب لينا
ااياد بخبث: هممم واش من عذاب انا يبانلي يعجبكم ونتوما لي تحوسو عليه و الاهم انو رانا صابرين علا هبالكم
شمس ضرباتو بهادوك لحوايح وراحت تنوض مي حبسها اياد وقال: هاه واش زعفتي يا عمري تعرفيني منقدرش نتحمل زعافك باسها فخدها وكمل بهدوء: ادعي ترجعيلي سالمة اومبعد نفكرو فاللبسة
شمس قربت لعندو زعما تبوسو من خدو مي هيا عضاتو وقالت: هااو الحب ههههه نقولك واش البروبلام هاه البروبلام انو ديما تكلخني بكلامك المقطر عسل حتا لو كان معجبنيش نوافقك فيه خاطر نعشقك
هوا حكملها يديها وقال :همم تعشقيني يا لمتوحشة تعضيني ليوم ناكلك
~~~عند غلا ~~~
طلعت لغرفتها ترتاح بعد ما تحسنت نفسيتها وعبات كرشها بالاناناس
راحت تقعد حست بدوخة ورغبة فالنوم فدخلت فلفراش تسطحت وراحت فسابع نومة
عزام بعد ما جا سقسا عليها الخدامة طمناتو انهاليوم تحسنت شوية حالتها خرجت للجنينة تمشات وضحكت معا الخدامين كأنو حالتها بدات تتحست سقساها اذا كلات قاتلو اييه
فرح وحس براحة وراح يقعد معا باباه دخل لعندو سلم عليه وقعد
باباه ديما بارد معاه كان يعاملو عكس خواتو لي شبعهم دلال كان يحس بلغيرة منهم حتا لو كان فارق لعمر بيناتهم كبير
باباه بهدوء: غلا مزال مهدرتش معا بوها!؟
عزام :😏😒لالاا
باباه: شوف اعزام راني دريت بلي صرا معاك ومعا غلا وحميد هوا لي حكالي وانا تهاوشت معاه ورديت عليه اللوم علا عملتو مي راه ندمان بزاف توحش بنتو بغا يشوفها يالوكان 2دقايق
عزام بغضب:😠😠😠انا ديت النومرو تاعو من عندك باش تهدر معاه مي باش تشوفو يحلم منخليهاش تشوفو نخاف يخطفها مني
باباه بثقة: او راه ندمان وستعرف بلغلطة تاعو واش تبغي كثر من هاك خليه يشوف بنتو خير مايكون شي ميعجبكش ا عزام
عزام بقهر: واش راح دير راح تديهالو بسيف وانا نزيد نقولك راح يشوفها علا جثتي
جا يطلع لدار حتا فجعو صوت لعياط هز القصر هزان وطيحلو لما فالركابي
راح يجري بأقصى سرعة بلا ميستوعب مصدر الصوت مي قلبو نغزو ونبهو انو غلا فخطر

تابعونا فلحلقات الاخيرة😍😊