الحلقة 178
فنفس لوقت وفمكان ثاني محسش بروحو حتا غفا وراسو علا يدها لي معلقين فيها السيروم
رفض انو يخليها وحدها والطبيب تفهم لوضع اصلا لازم يكون معاها كي تفيق راح تتأزم نفسيتها كي يخبرها بلي ولدها ماات
غلا كانت مزالها تحت تحت تأثير المخدر بدات تفيق شافت البلاصة تخلعت وينها واش صرا فيها بدا لخوف يداهمها كي تفكرت النزيف لي تعرضتلو بعدها غابت عن الوعي
حست بأنفاس حارة تضرب فيدها تلفتت تشوف تصدمت كي لقات عزام راقد قدامها
حاولت تتعدل نتابهت بلي كرشها ختفت حاولت تتأكد حطت يدها عليها تصدمت يعني هيا ولدت بداو دموعها ينزلو وشهقاتها تطلع حس عليها عزام نقز مخلوع
عزام بخوف: غلا حبيبتي راكي تتوجعي نعيط لطبيب
كان واقف مخلوع معرفش واشي يدير
غلا بشهقة وهيا تتلمس فكرشها :لاا ماشي موجوعة مي وين راه البيبي علاش ولدوني مزال موصلتش 9شهور
كملت بلعياط: يعني لهاد الدرجة مستعجل باغي تفرقني علا ولدي خلي حتا نشوفو
عزام بحنان كأنو يهدر معا طفلة صغيرة: حبيبتي واش هاد الكلام انا مستحيل نبعدك عليا غير لموت لي تفرقنا
غلا بشهقة: هيه وين راه الطفل بلييز ديني نشوفو
عزام هااا ويلي واش راح نقولها ولدك مات يا ربي قال: حبيبتي نتي دوكا معليك غير ترتاحي
غلا بشك: عزام متخبيش عليا واش الطفل مريض حطت يدها علا قلبها وصوتها يترعد
عزام قعد عانقها بقوة وقال:انشاله ربي يعوضنا فيه
غلا صوتها وشهقاتها علاو تبكي بحرقة علا موت ولدها ولدها لي مكتبلوش تشوفو وتحملو بين يدها وتشم ريحتو تشبتت بتريكو عزام بقوة وهو قاعد يهدي فيها
سي فري انها مفرحتش بهاد لحمل وشحال من خطرة فكرت انها تقتلو مي كي تتفكر ربها واحساسها بأنها حاملة فأحشاءها قطعة من حبيبها عزام ترجعلها عقلها
بعد مدة حس انها هدات توقعها رقدت حاول يعدلها مي هيا زادت تشبتت فيه بقوة مبغاتش يبعد عليها وهو تبسم وفرح بزاف مالغري حس بوجاع في ظهرو مي راح يتحمل علاجالها باسها فراسها وزير عليها فحضنو
فالصباح
فاقت لقات روحها راقدة ومتغطية مليح تفكرت بلي لبارح رقدت علا صدر عزام
تلفتت تحوس عليه مي مكانشو حست بخيبة أمل هيا محتاجة لوجودو معاها كنت تحاول تتفكر اننها صح سمعت كي قالها مستحيل نخليك
حست بخنقة ودموعها علا وشك الانطلاق مي نشفو كي دخل عليها عزام
عزام بعد ما رقدت عدلها وراح يصلي بعدها راح لدار دوش وبدل حوايجو ورجع عندها
كان داخل معاه فطور ليها
غلا ترسمت الفرحة فعينيها بعد ما شافتو
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
