كرونيك :💕عنيد_&_عنيدة💕

الحلقة 7

الحلقة 7
فيقتها يد جداتها من ذكرياتها و هي تحاول تحبس دوعها ما تحبش يشوفوها ضعيفة حتى جداتها و قالت:ماني راني ميتة بالجوع مالصباح ما كليت والو
جدتها و هي تتنهد:ياعمري نوضي نوجدلك حاجة خفيفة تاكليها بين ما يوجد العشا
~~~~~~في دار عبد النور~~~~~
قاعد مع مرتو و خوها اياد(عمره27سنة قرا هندسة البترول هو انسان مزاجي و مغروووور يحسب روحو حاجة كبيرة ملامحه حادة و لكور موسكلي😍😍)
اياد و هو يشرب في كاسو:ايه يا عبد النور وشراهي خالتي(نفهمكم علياء و اياد هما ولاد خالة ع النور) راهي فالدار ولا راحت للبلاد مع الحاج(بابات ع النور)
ع النور :لا ماتحبش تروح يبقى بابا يحاول فيها تروح معاه مي هي متحبش تقوله نسنا ف ليفاكونس و نجيو كامل(عندهم مزرعة كل فاكونس يروحو يعديوها تما)
علياء بإبتسامة:يا عمري على خالتي هههه خايفة لكان تروح معاه تموت بالوحدة
ع النور:نشاله كي يخلصو لولد من القراية نروحو كامل و نتا تاني إياد لازم تروح معانا
علياء فرحت بزاف كي عرض على خوها يروح معاهم هي معندهاش غيره باباها توفا بأكسيدون و يماها مرضت و حكمت الفراش وين دا ربي امانتو:ايه يا خويا لازم دي كونجي و يالاه توح معانا و الله غير الحل تما يريحك
اياد :ان شالله نحاول
علياء:انشاله فرحني و دير بخاطري هاد المرة و ديجا لولاد مزالهم 15 jours و يخرجو فاكونس
ع النور:مي حنا منروحوش حتى تكمل شمس لازم نديها معانا
علياء يا ويلييي😰😰😨شمس تروح معانا قالت بشك:و اذا ماحبتش تروح كيما العادة راح نضيعو معاها الوقت pour1
شافت فخوها و هي مشنفة. اياد تبسم كي تذكر بلي ختو ديما تشكيلو على شمس و خدايمها ملي كانت صغيرة كان يشوفها خطرات في دار ختو و عرف مدى شراستها رغم صغر سنها
عنده اكتر من 8 سنين مشافهاش ضحك و قعد يفكر فيها زعما كبرت و حبست من هبالها و تشييطينها (هههه معلبالوش بلي كبرت و لسانها زاد طوال معاها😂😂)
ع النور بإصرار: نو راح تروح و بسيف عليها بابا عندو زمان مشافهاش و يظل يسقسي عليها
~~~فلليسي~~~~
حنان:شمس علاه ماكيش حابة تحكيلي شكون ضربك وشوهلك وجهك
شمس و هي تشوف روحها فالمراية و تعدي يدها على خدها:شوفي نتي و علاش متحبيش تحكيلي علاش كنتي زعفانة