كرونيك :💕عنيد_&_عنيدة💕

الحلقة 98

الحلقة 98
~~~عند حنان~~~
كانو برا يدورو فليماغازان وحنان لاصقة معا حوايج تاع ليبيبي تخير لفهد كادو ستغلت ياسين كي خرج باش يشري لولدو قالت خلي نشري لفهد كاش حوايج
حست بهتمام ياسين وستيل تاعو الرائع كي كان يخير لوليدو ولا كاش واحد من عايلتو
كانت قدام حوايج تاع لولاد حتارت واش راح تشريلو فقررت تشاور ياسين
ياسين كمل وراح يخلص حبسو صوتها كي كانت تعيطلو قرب لعندها
حنان : ياسين ويناهو لمليح هدا ولا هدا
ياسين: قاع ملاح واش رايك تشريهم كامل
حنان: لالا واحد برك خاطر شريتلو ديجا غير هادو حرت فيهم
ياسين يتبسم: وشكون قالك هادو لفهد راح نخبيهوم حتا يجينا طفل ولا الطفلة نظن راهم هنا وحط يديه علا كرشها
حنان حشمت وقالت: ها وين راهم مكانش كرشي فارغة حتا من الجوع راح يقتلني
وراحت تحاسب لحوايج
ياسين يضحك عليها رفد اللبسة لي حطاتها ولحقها
~~~عند خالد~~~
دخل لدارو هو وريم كانت الحداش تاع الليل وقتو كامل يجوزو معا نور وفهد حس بلمسؤولية تجاههم
تنهد وراح قعد فلفوتوي تعبان
دور راسو يحوس علا ريم قال: رييم
ريم كانت معصبة منو خاطر تجاهلها ملي ولدت نور وهو لاصق فيها ربعا وعشرين ساعة سمعت صوتو زفرت وراحت لعندو وقفت عند راسو وقالت بتنرفيز: نعم واش تحب
خالد تغزل من اسلوبها بصح تجاهل الموضوع قال : وجديلي الدوش والعشا حاب نرقد تعبان

ريم ها خدامة تاع باباك جيت لعندي باش ترتاح قالت بغضب:واش مرتك ماعشاتكش مدام راك لاصق فيها كل لوقت ولا الخدمة ليا وهي الراحة والتقلاش
خالد تعصب منها لعن الساعة لي خمم يتزوج فيها تمنا لوكان قعد معا نور وعنادها خير من حياتو معا ريم لي يشوفها جاهلا وراسها فارغ
ناض وقال بغضب: خلاص مانسحقش ديرلي حتا حاجة وراح لاشونبر خلاها تغلي من برودة اعصابو