كرونيك :💕عنيد_&_عنيدة💕

الحلقة 107

الحلقة 107
خايف لوكان تبهدلني قدام لافالمي بلبستها وحتا لماكياج ماديرش تي بلاك ماتعرفلوش قاع
تنهد وقال: اصلا متحتاجش للماكياج جمالها طبيعي
كمل جمع حزايجو شاف فالساعة غلا طولت عند باباها
حس بلجوع راح للكوزينة لقا غذاه موجد حطو يسخن
~~~فدار ع.النور~~~
كانت عندهم يماه وشمس وإياد
اياد كان يعنق فجاسم ويلعب معاه
شمس قاعدة معا جداتها وتخزر فإياد باين عليه يحب الصغار خاطرو متعلق بولاد ختو بزاف يحبهم اه ياربي رزقنا بالذرية الصالحة قطع تفكيرها صوت جداتها كي قالت:هيه يا بنتي واش قلتي
شمس حشمت ماركزتش معا كلام جداتها قالت: سمحيلي ماني ماسمعتكش
قالت بخبث: وشكون دالك عقلك وشافت فإياد لي نتابهلهم قال بخبث: عذريها يا ماني انا لي ديتلها عقلها وقلبها تان ههههه
شمس بتنرفيز: ها شفتي يا ماني كيفاش رديتيه يهدر عليا
اياد يضحك:هههه وانا واش قلت
الجدة باش تلطف الجو قالت: خلاص بلاما تحصلو تم حابة تروحو معانا للمزرعة هاد السمانة

شمس بدلال وهي تنخز فإياد: وي راح نروحو ديجا راني متشافشة العود تاعي
إياد اخخ نحس بلغيرة من هاد العود قال باش يغزلها:قصدك العود تاعي انا لي شريتها من جدك
شمس فهمت قصدو وعرفت بلي حاب يغزلني قلت بخبث : مدامها ليك فهي ليا ياك راجلي ولا غلطت ياماني
اياد بغيت نوض نبوسها علا هاد الهدرة بصح خسارة جداتها معانا شفت فيها بشوفات تفهمها وعضيت شفافي
شمس حسيت بمغص من نظراتو قطعها علينا دخول علياء اول مرة نحس راح نوض نبوسها كي سلكتني من إياد
اياد رجع يلعب معا جاسم
علياء حابة تشوف ولاد خوها كسر خاطرها اياد وهي علابالها بلي يعشق فالمهبولة هديك تاع شمس وهي خايفة لوكان يكون لمشكل فشمس علابيها طولت فالحمالة قالت وهي تخزر فشمس: إياد شحال عندك ملي عرست
إياد بشك: 9شهور علاش
كان الكل مستغرب من سؤال علياء من غير شمس لي شمتها قارصة
علياء بتنرفيز:المفروض يكون عندك ولد ولا كاش بنتك بصح لي راني نشوف فيه انو مرتك عجبها لحال تشوفك بلا ولاد وتعيش براحتها

شمس ماقدرتش تسكت عليها قالت بتنرفيز:وانتي واشدخلك شكالك والا راكي مزروبة باش تشوفي ولادو عرسيلو انا ميهمنيش وطلعت بزربة لاشونبر تاعها
إياد تعصب من كلام عليء وزاد عليه كلام شمس علاش قالت مايهمنيش وانا كنت نظن بلي بدات تتعلق فيا وتحبني قال بغضب:علياء واش هاد الهدرة ياك ماشكيتلكش
الجدة صدمها كلام علياء يعني مهما يكون شمس بنت ولدها وماترضاش يهدرو عليها قالت بغزول بعدما شافت إياد لحق شمس: واش داك لفم لي عندك هاو شعلتي النار بين خوك ومرتو
علياء بضيق:ماتلومينيش يا خالتي حابة نشوف ولاد خويا
الجدة: ماشي هكدا راكي شعلتي حرب بيناتهم وراح يخلي شمس تزيد تعاند كثر
قامت وخلات علياء حشمانة وندمانة من الشي لي دارتو