كرونيك :💕عنيد_&_عنيدة💕

الحلقة 171

الحلقة 171
~~~عند شمس~~~
وقفت مصدومة من هدرة الطبيب شافت فإياد طاير بلفرحة
توقعت بلي راهي تحلم وراح تفيق فأي لحظة كانت واقفة كي لحجرة وجهها خالي من أي تعبير عكس اياد لي الظحكة مفارقتش وجهو
اياد شاف فيها لقاها مستغربة حس فداخلو بلي مفرحتش قال اكيد كانت تقول راه نتهنا من لولاد كي عرفت بلي مريض قرب لعندها قال وهو يبوسها علا راسها: مبروك علينا يا عمري
شمس بدون وعي رمات روحها فحضنو تبكي بشهقة وهو فهمها خرجها من عند الطبيب لي تفاجأ بردة فعلها اول مرة ام متفرحش بحملها
قعدها علا الكرسي وقعد قدامها
قال : شمس علاش لبكا نورمالمو راح تفرحي راح يجينا طفل يجمعنا ويقوي علاقتنا
شمس بشهاق:مزال مأمنتش راح نولي ام 😭😭😭 وعنقاتو وهو يهدي فيها ويضحك
~~~~~~بعد 5 اشهر~~~~~~
@اياد وشمس عايشين فسعادة يسناو بنتهم وقتاش تخرج
وحامها جا علا اياد هبلاتو مديرش لبارفان دوش زيد جيبلي ناكل كي يقولها تتوحمي عليا تقولو لالا نتوحم علا ختك علياء😂مهبولة
@عزام مزالو متسلح بسلاح البرود معا غلا حرمها من الخرجات خطرة دخل لقاها راح تخرج عند دينا جات عندهم منعها وحبسها فلاشونبر خلاها تبكي وتندب حتا حكاية تاع قرايتها لغاها يخرجها معاه كي يكون عندها رونديفو عند الطبيب من الدار للكابيني ومن الكابيني للدار حتا عايلتو ستغربو من تغير حالتهم وزاد استغرابهم من غلا معادش تروح لعندهم غير خطرات كي يطلب منصور من عزام يخليها تروح ويقعد قدامها يخنزر
@شهاب عايش حياتو ميسمح لحتا واحد ينكدها عليه والي يحاول معاه يتجاهلو هذي حياتو معا دينا لي تحاول تخلق المشاكل بيناتهم باش تثبت اهميتها عندو يا يطلقها يا يعترفلها بحبو وفلحالتين فشلت
@ عماد ودنيا حبهم يتزايد يوم بعد يوم واحد مايقدر يستغني علا لوخر وسعدتهم زادت كي راح تجيهم ثمرة حبهم دنيا عندها شهرين حمل
@خالد ونور تحسنت حياتهم خالد ولا يهلوس بنور رجع جريئ يعبر علا عشقو ليها قدام عايلتو وهاد الشي لي يعصب نور وطيبتلو جنابو بلقريص مي فداخلها فرحانة
هيا حاسة بسعادة كي رجعو لبعضاهم خالد فسرلها حكايتو معا ريم شحال تكرهها وزاد كرهها ليها بعد ما عرفت واش دارت معا خالد
@حنان وياسين ولا عندهم بيبي صغير زينوون يتاكل سماوه بدر حنان حست بمسؤوليتها زادت كون افراد عائلتها زادت ياسين وعدها يعاونها فكلشي سواء قرايتها او تربية لولاد
~~~الساعة10~~~
فاقت علا صوت تلفونها ردت ببتسامة بلا متشوف شكون هادي 10 خطرات وهو يصونيلها ملي وصلت عند جداتها
شمس:الوو
عارفة واش راح يقول وواش راح يوصي
كولي مليح بلاك ترفدي حاجة ثقيلة متبوجيش بزاف بلاك تنساي ليفيتامين تاوعك
اياد: حبيبتي وشراكي وشراه ولدي
شمس ببتسامة وهيا تعدل روحها: سفا سفا هيه واش عرفك بلي طفل بلاك تكون طفلة
اياد:طفل ولا طفلة كيفكيف لمهم منك نتي
شمس بدلال: هممم حسبتك من هذوك لي ميحبوش لبنات
اياد:هاه بعيد الشر هاد الشي ماشي بيدنا لي جا مرحبا وانا بغيتها تكون بنت ونشاله تخرج كيما شي ناس زين وعناد ودلال 😜😜
شمس عضت شفايفها من الحشمة سكتت واياد حس فيها وكمل يتلف الموضوع: ايه حقا كي نكمل الخدمة نمر عليك نروحو عند عليا جابتها مورايا قاتلي لازم نروحو نتعشاو عندها
شمس اففف معنديش سوق ليها نندب زهري كون تخرج بنتي تشبهلها قالت : اوكي تلقاني نسنا
قبلت اولا علاجال اياد وثانيا بابا وخواتي توحشتهم وعلياء يعععع مستحيلل نخمم فيها كاع