كرونيك :💕عنيد_&_عنيدة💕

الحلقة 31

الحلقة 31
~~~ فالطنوبييل ~~~ ملي قالتلو حنان بلي شمس راح تروح معهم و هو متوتر حاب يعتاذر منها على التصرف الهمجي لي دارو معاها قطعت عليه تفكيرو حنان اللي قالت: روح لدار ماني قبل
ايهاب مستغرب: علاه ياك ماني تبات عندنا وهي لي قالت باش نجيبكم لدارنا
حنان بضيق: بصح شمس ماتحبش
ايهاب بخوف: واش لي متحبش
نطقت شمس: نحب نرقد في داررنا
ايهاب: بصح علابالك بلي ماني راهي عندنا
شمس : ايه علابالي و نظن هداك ماشي شغلك
ايهاب ماحبش يتجادل معاها خلاها و قال: خلاص ديري الي يريحك
وصلوها دخلت سكرت الباب وراها و طلعت لاشنبر تاعها ترتاح
~~~عند ايهاب~~~
بعد ما وصلها ندم علاش ماعتذرش منها وحتى لو قدام حنان واشفيها
حنان حاسة بلي كاينة حاجة صرات مع شمس في دارهم قالت: ايهاب زعما ماما هدرات مع شمس و سمعتها كاش هدرة معجبتهاش
ايهاب بخوف: هااه و علاش
حنان : خاطر البنت صارلها مدة ما دخلتش دارنا و شمس نعرفها نفسها عزيزة مستحيل تقبل الاهانة
ايهاب ها لوكان تعرفي يا حنان بلي انضربت و تهانت فدارنا وانا السبب
ما هدرش فضل يسكت خير

~~~ فالصبباح~~~
عند العرسان
فاقت قبلو شافت فيه لقاتو مزال راقد كاد معنقها جبدت روحها بلعقل باش ماتفيقوش لفت على روحها ليزار و دخلت للدوش
خرجت بعد ما دوشت مليح و صلات صلاتها لبست روب تاع الدار قصيرة فالغوز و عدلت شعرها
حتارت الا تروح تنوضو ولا تخليه بعد حرب دارتها معا روحها و اخيرا قررت تنوضو
قربت عندو و قالت بشوية: خالد خالد
خالد حال عين و ساد لخرى قال: خير تحتاجي كاش حاجة
نور حشمت: صباح الخير نوو غير فيقتك باش تصلي
خالد ناض و دخل للدوش بلا ما يزيد معاها حتى كلمة
نور ياربي علاش راه بارد هكدا وكإنو مش خالد لي جوزت معاه ليلة لبارح كي تفكرت واش دارو تبسمت و حمارو خدودها قالت ماعليش راح نصبر معاه ياك راجلي و خرجت قعدت فالصالون