كرونيك :💕عنيد_&_عنيدة💕

الحلقة 60

الحلقة 60
~~~~فدار علي~~~~
علي: والله ياختي ماني راضي علا لي دارو بصح ماعندي مندير
هبة بغضب: علاش مامنعتوش و..
قاطعها كي قال: كيفاش نمنعو خالد ماشي صغير باش نمنعو راجل فعمرو 27 وهو يعرف واش يدير
هبة ناضت و قالت بعصبية: والله يا خويا مكانش علابالي بلي ولدك رخيس لهاد الدرجة بصح الغلطة للدغفة لي مزالها قاعدة عندو
وخرجت
~~~عند نوور~~~
كانت فلاشونبر تاعها تبكي ماشي كي خالد راح يتزوج نوو كلنت تبكي علا يماها لي حملتها المسؤولية كي حب يتزوج عليها
حنان : خلاص يا نور راح تقتلي روحك ما تنسايش بلي راكي اونسانت
نور تشهق: انا ملنبكيش خاطر خالد راح يتزوج انا نبكي علا يما لي طول لوقت تسمعني فلكلام
فهديك اللحظة دخل خالد و سمعها غزل من كلامها قال بغضب: حتا انا ماتعنيلي حتا شي و رجعتك علا جال عايلتي برك و زواجي راه يكون بغيتو ولا كرهتو
نور بلعياط: روح تزوج كاش واحد منعك بعد عليا برك و دخلت للسالدوبان تبكي و تشهق
وحنان تعصبت من خوها خرجت
حنان خايفة من مستقبلها معا ياسيين
دخلت لشومبرتها ترمات فالسرير تخمم حتا قطع عليها التلفون شافت نومرو جديد ما ريبونداتش عليه
~~~~عند شمس~~~~
كانت تلح و تحاول معا اياد باش يروحو للبلاد
اياد عجبو لحال حاب منها تزيد تترجاه قال ببرود: انا عمبالي تكرهي هاديك لبلاصة ولا نسيتي واش درتي فينا لعام لي فات
شمس من غير قصد : يا خويا راني حبيتها هاد لعام وديجا لعام لي فات نتا لي كرهتني فيها
اياد والله انا حبيتها هاديك لبلاصة خاطر فيها شفتك اول مرة و عجبتيني قال بخبث: مانيش خوك اوكي نروحو بصح ماتنسايش بلي راح نباتو فشومبرة وحدة لازم تتقبلي هاد الشي ولا تنساي الروحة
تبسم وكمل: ملنحبش فضايحنا يظهرو قدام الناس
شمس : ههااه مستحيل مكاين ني فضايح ني عمار بوزوار كل واحد يشوف وين يرقد نتا ترقد فالصالون كيما لعام لي فات
إياد يتبسم: لالا يا عيوني ماشي كيفكيف هاد لعام راني مزوج و بمرتي مايليقش نخليها ترقد وحدها و غمزها
شمس سكتت خافت لوكان مايقبلش قاع يروحو فقبلت علا بختها برك
~~~بعد سمانة~~~
وجدوا رواحهم كامل باش يروحو من غير هبة ما حبتش تروح عتادرت منهم و بقات
~~~عند حنان ~~~
كملت ليزيكزامان تاعها كانت النتيجة مليحة عقدت معا ياسيين فنفس ليوم لي عقد فيه خالد معا ريم لي واحد معلابالو حتا لافامي تاع ريم عرفو بلي مارضاوش بهاد الزواج مزال ماداروش لعرس
حنان عرفت بطلاق ياسيين وهاد الشي خوفها و كي سقساتو قالها ماكناش متفاهمين وعرفت تاني بلي عندو طفل
~~~~فلمزرعة~~~~
وصلو فوقت العصر وراحو يحطو حوايجهم
الفيلا كانت كبيرة فيها 8شونبر لفوق وليسالدوبان تابعين ليهم
شونبر لعبد النور و علياء قدامهم شونبر يماه و باباه
شونبر لعلي و مرتو قدامها شونبر لحنان و نور
شونبر لجدة شمس و لولاد الصغار قدامها شونرة تاع جمال و مرتو
واخيرا شونبرة تاع شمس واياد قدامها تاع خالد و ايهاب
شمس تخمم كيفاش تهرب من اياد و ماترقدش معاه خاطر تعرفو صامت مايخليهاش طرونكيل تبسسمت بمكر و قالت: راح نتسلل فليل و نرقد عند نور و حنان طبعا نور تعرف الحكاية بصح المعزة تاع حنان واش ندير معاها