كرونيك :💕عنيد_&_عنيدة💕

الحلقة 154

الحلقة 154
~~~عند شمس~~~
تحاول قدر المستطاع تسيطر علا اياد وتتحكم فاعصابها باش متنفاجرش فيه وتضرب كلشي ف 0
لسانها طويل كل واحد يتزايد معاها جوابها يكون علا لسانها غير معا اياد قوتها تتلاشا ولسانها تاكلو جسمها يرجف الحب لي يخليها تقفل فمها
عيطت لحنان تطمن عليها وتباركلها فلانيفارسار تاعهم
كان بينها وبين حنان 24ساعة برك
كأنو ربي سبحانو عوضهم من فقدان حنان بحنان جديدة تولدت فنفس ليوم
كانت منقهرة من اياد متفكرش لانيف تاعها ليوم
باينة معلابالوش بيه كاع
حنان ونور معا بعض فتلفون: happy birthdaaaaaaay شمس 🎉🎉🎉🎉🎉
شمس تضحك :😂😂😍😍
حنان: والله غير كبرنا يا شمس نقولك لازم تجي نتي ونور لعندي نحتافلو
شمس: وعلاش منحتافلوش عند ماني كيما لعادة اصلا عيطتلي لبارح قااتلي رواحو لعندي راح توجد كلشي ققاتلي ملازمش تغيرو عوايدكم بعد ما تزوجتو
حنان:😒😒😒اوكي نهدر معا ياسين ورجعلك لخبر ايا اومبعد نشاله وكوبات
قعدت تتنهد الديقو راح يقتلها بغات تخرج تتمشا شوية تشوف الدنيا ملي رجعها اياد وهو حابسها بين 4حيوط
فتحت ميساج لي بعثولها باباها فنفس الساعة لي تولدت فيها
{{كل عام وحبيبتي بخير متتوقعيش ننسا هاد ليوم ولا هاد الساعة خاطر ربي سبحانو رزقني بأجمل وردة بعد ما خدا مني شخص غالي الكادو تاعك راح يوصلك وانا كي نكمل خدمتي راح نجي نشوفك}}
شمس قراتها 1000 خطرة وكل خطرة تقراها تحس بعمق الكلام اللي قاله هيا متشكش بمجرد شك بمحبة باباها ليها غير غيرتها من علياء عماتها كانت تحس بلي علياء خذات بلاصة يماها
اياد دخل للدار معصب كيفاش قدر ينسا ببلي ليوم لانيف تاعها وهي اول مرة تجوزو معاه منبعد زواجهم
ماتفكر غير كي عيطلو باباها وقالو راح يلقا لكادو تاعها يوصلهالها خاطرو مسافر ميقدرش يوصلها هو
كان جايب لها خاتم الماس فخم
اياد طاح وجهو كيفاش ينسا وواش راح يهديلها
واخيرا قرر يديلها بارور فطريقو شرا بوكي دلورد توقها كيما لعادة يدخل يلقاها تسنا فيه مي خاب ظنو كي لقاها راقدة