كرونيك :💕عنيد_&_عنيدة💕

الحلقة3

الحلقة3
~~~~~~عند جداتها~~~~~~~
كانوا الخدم يحطو الفطور و هي قاعدة تسنى في شمس تهبط
شمس و هي تنزل درجتين بخفة و تغني كيما العادة
بلاني زماني بواحد أناني
نسا طيبة قلبي و عطفي و حناني
قاطعها صوت جداتها و هي تهدر: يالاه يا بنتي فطري باه تخرجي راكي روتار
راحت شمس لعندها باستها من خدها و راسها و حضنتها و قالت بدلع: صباح الخير لاحلى ام في الدنيا
جداتها بابتسامة: صباح النور يا حلوة
قعدت شمس و بدات تفطر
~~~ في بيت علي خال شمس~~~
كان الكل مجتمع على الفطور
علي و هو يسأل خالد بهدوء: واش رايك يا وليدي كي راك بديت الخدمة تكمل نصف الدين تاعك و تتزوج راك كبير و انا حاب نتهنى عليك
خالد بتوتر:هااه نتزوج و كمل بخوف: ما عرفتش دوك نفكر فالموضوع و ناض راح
خزر في بنتو حنان هي اغلى وحدة بين ولادو سماها باسم ختو ام شمس كل ما يشوفها يتذكرها قال بابتسامة:وشراكي مع القراية نشاله ترفعي راسي و نشوفك طبيبة
حنان بأدب:مليحة يا بابا و نشاله اكبر طبيبة
قاطعهم صوت يماها لي قعدت قدامهم
حفصة :انا راني خايفة عليك تضيعي في جرة فعايل بنت عمتك
حنان و كأنها تترجى فيها تسكت: يما وشنو هاد الهدرة
حفصة :و علاه راني هدرت كاش حاجة خاطية معلابالكش وش هدرو عليها في اجتماع اولياء الامور تبهدلت و الله
حنان هبطت راسها بأسى خصوصا كي هدرت قدام خوها ايهاب
حفصة كملت: قالوا لي بعدي بنتك عليها و متخليهاش تختلط معاها لسوء تصرفاتها فالمدرسة
حنان راحتلها l'appétit ناضت و قالت: شكون يوصلني اليوم
ايهاب:انا خلصت دوك نوصلك في طريقي
~~~~~~في السيارة~~~~~
حنان كانت زعفانة يعني مهما كان مكانش لازم يما تفضح شمس قدام بابا و خويا شمس مسكينة واحد ما يحس بيها هي تعاني من فقدان الام و تخلي الاب عنها ما تحبش تبين ضعفها للناس تنهدت
ايهاب حاس باخته حنان و هو ما يحبش تكون بمستوى شمس قال: راكي زعفانة من هدرة يما
حنان بضيق:لا
ايهاب بنرفزة:كيماكيش زعفانة علاه راكي مشنفة على ر** و حدة ما يجي موراها غير المصايب
حنان بقهر:ايهاب و الله غير عيب هاذي بنت المرحومة عمتك
ايهاب بغضب: هادي بنت عمتك يقلك راسك حكمها اقتلها
قطعت عليه حنان الهدرة:سكرلنا على الموضوع
ايهاب حتارم قرارهاو سكت و هو يغلي من داخله
~~~~~في المدرسة~~~~~
شمس قاعدة مع صحاباتها تقصر و تضحك
هدى صاحبتها:بالصراحة عجبتيني خليتيها ضحكة ههههه انا معلاباليش علش راهي شايفة روحها علينا ولا كي عندها الدراهم زعما تحب تمشينا كيما تحب ههه يا دراهم بوها (يهدرو على وحدها فرجت شمس عليها ليوم الليسي كامل هههه)
شمس سندت روحها لشجرة تخزر لحنان و مركزة معاها من لي وصلت و هي ساكتة قالت:حنان معليش دقيقة نسحقك
حنان: هاه آه أكي و راحت معاها
~~~~~في دار بابات شمس~~~~~
دخل للدار بعد ما كمل الخدمة عيان شاف وليدو الصغير جاسم يلعب قال و هو يضحك:جسوم ارواح بوس بابا
جاسم راح يجري لعندو و حضنو و باسو و حطو في حجره و قال: وين راهي ماما
جاسم:بالمتبخ(مطبخ)
كمل يحكي:بابا وين لاهي سمس لاه متزيس عنا(بابا وين راهي شمس علاه متجيش عندنا)
باباه آاه يا وليدي ما تقتلني غير هديك الطفلة ما عرفتش وين حابة توصل باستهتارها كول ما نقول تكبر و تستعقل تخرجلي بحاجة اعظم من الي قبلها حتى الضرب منفعش انما زاد من هبالها
تذكر نهار الي ضربها فيه prsq محتارمتش وجودو و زادت سبت مرتو قدامو و من هداك نهار ماجات لعندهم غير هو ليزورها
دخلت علياء و لقاتو شارد و جاسم معصب يستنى اجابة:وشكاين يا عبد النور فواش راك تخمم
انتبه و حط جاسم يلعب:اا مكان والو شردت برك و خزر في جاسم و قال:خلاص العشية نديكم نتا و خاوتك تشوفوها
علياء بدهشة:وين تديهم
قال:راح نزور شمس و ندي لولاد باه يشوفوها توحشوها
علياء بغش: ما يروحوش معاك
قال:وعلاش ا لالة راكي حابة نحرمهم من ختهم
علياء علابالها بلي راجلها ما يحبش كي تهدر على بنته قالت:لا مقصدتش حاجة بصح خويا إياد راه جاي ليوم حاب يشوف لولاد توحشهم ياك علابالك عنده مدة طويلة من آخر مرة شافهم
عبد النور بإصرار عندو سمانة مشافهاش توحشها عاللخر:يروحو معايا و نسيي مانطولش و دوكا روحي حطي الغذا نتغدى و نروح نرقد شوية عيان و راح
علياء بخيبة أمل:ان شالله و خزرت فوليدها لي كان فرحان و قالت:الصبر يا ربي وكتاش نتهنى من هاد الطفلة