الحلقة 55
~~~~عند إياد~~~~
الساعة00:00
واقف قدام دار الجدة
اياد بتنرفيز: شمس اهبطي رابيد متكفرنيش
شمس: بصح تفاهمت اليوم معا لبنات باش رباتو معا ماني
اياد: مادخلنيش تهبطي ولا نطلع نهبطك انا وتعرفيني نديرها
شمس بلعاط: هاا مولايا وقتاش طلقني و نتهنا من وجهك المنحوس
إياد كوبا عليها التلفون خاطر يعرفها مراحش تسكت وهو ماراحش يصبر
شمس غزلت كي كوبالها فوجها كيفاش يكوبي عليا هاد الحيوان اففف
راحت تجيب ساكها باش تخرج لعندو خافت لوكان يطبق واش قال تعرفو ما يحشمش
دخلت لقات نور مزالت قاعدة فبلاصصتها متحركتش غير شافتها مسحت دموعها و ناضت لعندها
نور تتبسم تحاول تخبي دموعها: حبيبتي بلاك تضيعي إياد من يدك إياد يحبك خاطر مكانش راجل يقدر يصبر علا هاد الشي
شمس بلغزول: اييه باينة يحبني علابيها مايرفضلي حتا حاجة
جمعات شعرها و رفدت ساكها
نور باستغراب: متباتيش
شمس بسخرية: اييه ياك قوتلك و ميرفضلي حتا حاجة و خرجت
وصلت قدام الطنوبيل خنزرت فيه ركبت وسكرت الباب موراها بقوة
إياد : هاه كسريها ادا عندك كاش قوة خرجيها فوجهي كينوصلو
شمس :مانيش مليحة باش نسمع هدرتك سكت عليا مكفاش كي حشمتني قدام لبنات مخليتنيش نبات معاهم ودورت راسها
إياد متحكم فروحو علا شعرة باش مايدخلش فيها بكاش كف ولا بونية سكت ماحبش يدير حاجة يندم عليها
~~~~فالصباح~~~~
عند نور و حنان
فيقتهم جداتهم باش يفطرو
قعدو فطابلة معا بعض
حنان: خسارة شمس مباتتش معانا والله منت متوحشة نقعد معاها و نحكيلها
نور تبسمت و قالت: واش نديرو راجلها ما حبش و هي لازم تسمعلو كي تتزوجي راح تفهميها
حنان حشمت ديراكت جا فبالها ياسين ما عرفتش علاش ضحكت وقالت: الرجال ماشي كيف كيف هاو خالد خلاك تباتي
نور ها خالد ماعندوش حتا النص من اخلاق اياد قالت ببروك : نتحداك يكون خالد علابالو وين بايتة
حنان بحزن: نور والله غير راني حاسة بيك
نور تنهدت: ها الحمدلله كي راهم كاينين لي يحسو بيا ابار شمس
ناضت من بلاصتها قعدت قدامها و قالت:خالد غلطان و راح يجي نهار و يعتارف و قولي حنان ما هدرتش
نور بلعياط: عتارف ولا ماعتارفش انا مادخلنيش انا لي عليا نديرو وراح نربي ولدي و هو يروح يشوف وحدة غيري
حنان بغضب: بلاك يسمعك تقولي يتزوج عليك راح يقتلك
نور ضحكت : وشكون قالك ما يتزوجش ههههه حنان واقيلا معلابالكش بلي خوك راه يحوس علا مرا
حنان بصدمة: اهه يحوس! من وكتاش
نور: هادي مدة البارح سمعتو كي قال ليماك راح نخطب وحدة بعيدة علا لافامي
حنان عينيها تعمرو بالدموع سكتت و حاطة يديها علا راسها
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
