الحلقة 42
~~~~عند نوور~~~~
كانت قاعدة مع شمس عند جداتها عاودتلها لحكاية من طئ طئ لسلام و علييكم
شمس: رخيس كي هو كي خوه كيفكيف
نور تشوف فيها بشك: نتي علاش كل مانهدرو حاجة تنقزي لايهاب وتقولي بلي رخيس كاش مادارلك
شمس بتوتر: والكلب قادر يمسني نقطعلو يدييه((ايي كدابة عطاك طريحة و ما درتي والو😜😜😜😜))
نور كانت راح تسقسيها ايمالا علاش تكرهو بصح حبسها التلفون كي صونا
شافت لقاتو خالد ردت:الوو
خالد بلعياط: تقدري تقولي يالالة وين راكي من الصباح
نور عيطت عليه: واش تسحق عندي ياك قتلي خيري وانا خيرت قرايتي ودوكا واش تحب آخر مرة تعيط عليا فهمت وراني نسنا ورقة الطلاق توصللي فأقرب وقت سكرت عليه و ضربت التلفون فالقاعة حتا رجع دي بياس ديتاشي
جمعت رجليها لصدرها ضمت روحها وهي مخلوعة اول مرة تجيها هاد الجرأة ماصدقتش كيفاش خرجت الهدرة من فمها و قالت: هو لي ظلمني
فيقتها من سرحتها شمس لي تنقز فوق السرير و تعيط : برافو برافو وأخيرا معزتي ولات تعرف تهدر
نور: هااه بلعي بلعي فضحتينا دوك تسمعك ماما
شمس تنقز: هييه خليها تسمع وتفتاخر ببنها لضحات بحبها فسبييل طلب العلم ههههههه
نور: واااا بلعي علينا نتي من عقلك والله لوكان تسمع يما بلي القراية هي سباب طلاقي من خالد غير تقطعني و ترميني للكلاب ياكلوني
هدا اذا ما حبستنيش من القراية قاع وديجا هي كانت معرضا على شرطي غير خالي علي لوقف معايا
شمس تتبسم: نور ماتخليش خالد يستقوى عليك نتي حافظي على رايك
نور بقهر: وهدا لي راح يصرى انا مستحيل نتخلى على قرايتي علاجال راجل وخالد الله يحفظه و يجيبلو المرا لي يتمناها حنا مانليقوش ببعضانا بصح لازم نقولو مايجبدش قدام.يما بلي طلقنا بسبة القراية
~~~~عند خالد~~~~
بقى واقف في بلاصتو مصدوم متوقعش تتخلى عليه و على حياتهم.بها السرعة يعني لهاد الدرجة هوا رخيص
كسر لاشونبر ما خلا حتا حاجة فيها صحيحة طاح فوق الفراش ينهج حتا شاف ميساج وصل لتلفونو ناض فتحو" خالد svp ماتحكيش ليما بلي تفارقنا بسبة القراية قول بلي ما عجبتكش ولا متفاهمناش لمهم دبر كاش حاجة"
خاالد ااه يا نور و حابة نكدب تاني زعما يأمنوني كي نقول بلي معجبتنيش و نتي كلش فيك يهبل الزين و الاخلاق قال بغضب:بصح كيف ما رخصتيني يا نور راح نرخصك و تشوفي شكون خالد انا الف نوحدة تتمناني
كتب لها ميساج و بعثو
"خلاص منقول والو و من ليوم راكي طالق وورقتك غدوة تكون عندك"
لوح التلفون للحيط وقال: اوكي يا نور نتي لي بغيتي غدوة نلقى مرا نكمل معاها حياتي وراح نشويلك قلبك
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
