كرونيك :💕عنيد_&_عنيدة💕

الحلقة 139

الحلقة 139
~~~عند غلا وعزام~~~
هبطتهم الطيارة فلمطار رجعو لبلادهم غلا هاد الخطرة مدارتش تبهدايل كانت حاسة بالامان قعدت قدام عزام طول لوقت وهي راقدة علا كتفو
كان يمشي ويدو فيد غلا
غلا كانت خايفة علابيها حكمت فيديه بقوة هو عجبو لحال لقالها فرصة زير عليها بقوة
كان باباه والشيفور باستقبالهم راحو سلمو علا السي منصور كلهم سلمو عليه بحرارة من غيرو هو سلم عليه بعد ما عطا الغراض لشيفور وببرود تقدم لعندو كان حاس بلغيرة كي عانقاتو غلا بقوة ودموعها محجرين فعينيها
بعد ما وصلو للدار قعدو مجمعين فالصالون والبنات بداو يلومو فباباهم كي مشاورهم فلادات تاع لعرس وانو شهر ميكفيهمش وهو بالطبع قدر يسكتهم وقال بلي كلشي راح يوجد واي حاجة بغاوها راح توصل لعندهم حتا لو كلف يدفع عليها ضعف المبلغ
عزام مل من حكاياتهم ستأذن منهم وطلع لدارو يرتاح غلا تبعاتو بعد ما طلب منها السي منصور هاد الشي
اول ما دخل ترما فسرير حاس بوجاع فكتافو من حمل لغراض فلمطار
مد يده وقال: اه اه
غلا دخلت علا اهاتو قالت بخوف: عزام يوجعك شي
عزام متوقعش تلحقو مشافهاش كي دخلت كان متسطح علا كرشو
عدل روحو وقال: لالا برك.كتافي يوجعو كي كثرت من حمل لغراض فلمطار
غلا غاضها خاطر صح تعب جهد روحو دار كلشي بوحدو قالت: ايه ونتا جهدت روحك بزاف مرضيتش نعاونوك
جات تروح تجيبلو حاجة يشربها حبسها صوتو كي قال:بينما تقعدي تبهدلي فيا رواحي ديريلي مساج راح تربحي اجر
غلا حشمت قالت : اوكي نجيبلك كاش حاجة تشربها
عزام مصدقش قبلت قال بلهفة وهو ينحي تريكو تاعو : لالا رواحي برك بغيت نشوف شطارتك فلمساج
غلا ههااه علاش تنحي من دوك اه يا ربي كيفاش نتحكم فروحي ونحط يديا علا جسمو عريان راح نغتاصبو انا قربت قعدت فحافة السرير كان متسطح علا كرشو مدور راسو للجيهة لخرى
مديت يديا لي يرجفو حطيتهم علا كتافو لعراض كان جسمو سخون عكس يديا لباردين ثلج حاولت نضغط بكل قوتي بصح مقدرش معا عضلاتو الضخمة
عزام داخ من لمسة تاع يديها الصغار سيرتو كي راهم باردين عكس جسمو هو السخون من شدة قوة الوحش والشوق لي فييه
عزام لالا يا عزام متتهورش صبر حتا تجيك بروحها ماقدرش يصبر علا حركاتها لي تزيد من رغبتو فيها عدل روحو بسرعة وشاف فيها
هي رفعت يديها بسرعة مي هو عاود حكمها قال وهو يبوس فيديها : صحيتي شاطرة الله يبارك
حط يدها علا صدرو وهو مزال حاكمها
غلا لا يا عزام بليز متعذبنيش ساعة العاشق الولهان ساعة الوحش والحاقد بليز انا انسان عندي مشاعر تهيجها حس بيا بليز
كان كل واحد سارح فالثاني
فاقت كي بدا يتحسس وجهها بيدو خزرت فيه كان يمررها بفيانة بدا من جبينها حتا حبس قدام شفايفها
عزام حبس بسرعة قبل ما يتهور دور روحو وقال: نوضيني نصلي المغرب
غلا تحول تهدي اعصابها لي وترها عزام كانت راح تبكي ففف علاش منقدرش نفهمو
كانت مركزةزمعا كتافو العارية وتشوف فعروقو كيفاش ينبضو بسرعة خافت لوكان تكون السخانة رجعتلو من طريقة تنفسو السريعة وجبينو لي عرق
عزام كان يجاهد فروحو باش يتحكم فرغبتو تجاهها سيرتو بعد ما دارتلو لمساج سب ولعن روحو علا فكرتو الغبية ففف علاش طلبت منها تقربني حمار لوكان غير تحملت وجاع لكتف ارحم من وجع الققلب
عزام يستنا ويدعي ربي تبعد عليه لانو لوكان يزيد يشوفها قدامو راح يغتاصبها اكيد
غلا مبعدتش بلعكس حكمت يدو بجرأة وقالت بخوف: عزام مزال مراحلكش لوجاع
كانت تسنا منو يجاوبها مي هو عيط عليها: لا ما مراحش ومراحش يروح نتي بعدي عليا برك خليني نريح روحي
غلا نقزت من الخلعة عينيها تعمرو بالدموع خرجت تجري تسب فروحها غبية علاش خافت عليه تفو عليك والله منزيد نهتم بيك خراا