الحلقة 170
~~~عند شمس~~~
كانت تتمشا معا اياد حاسة بتعب وارهاق غريب حكمتها دوخة توقعت تكون لانيمي رجعتلها
كان اياد ضاغط علا يدها بقوة خايف تتلفلو معا الغاشي بزاف كون تضيع مستحيل يلقاها كان يحكي معاها وهيا كلمة تسمعها وعشرة يطيرولها بعد فترة قعدت علا كرسي جنب الطريق تضغط علا عينيها بقوة
اياد بخوف:شمس تضرك حاجة
شمس بتعب: دخت نحس بدوخة😵😵
اياد وقفها سندها عليها وقال: هيا نوصلك عند الطبيب يشوفك خير
~~~عند خالد~~~
كانو يفطرو معا بعض برا
خالد ساهي فعينيها خايف يرمش تختفي من قدامو اخخ يا نور سحرك عليا اقوا من سحر ريم بألف خطرة خاطر سحرك حلال ونابع من قلبك وطيبتك اه كون تعرفي شحال نحبك ونت@@ علا التراب لي تمشي فيه وزدتي عليا بدلاالك اههه قلبي 😍😍😍
شافها هبطت راسها حشمت من نظراتو ليها كانت تسحرها وتشتت افكارها
اه يا خالد رحمني من نظراتك راح ندوخلك هنا
حست بيه حكملها يدها يضغط عليها
قال بعد ماشافت فيه : وين شردتي يا عمري
نور: توحشت فهد خلينا نروحو عند يما نجيبوه
كانت راح تقولو نخمم فيك مي حشمت
خالد ببتسامت: هاااا هاد الفهد راه يسرقلي من حقي
نور: هاا لالا جامي نتا لي راك منقص من حقو
يا عمري يا درا واشدارت يما يما معاه فالرضاعة موالف يرضع مني
خالد تفكر شكل نور وهيا ترضع قال بخبث:منلوموش كون يعيف كل امواع الحلييب 😉😉😈
نور عضت شفايفها وتوردوا خدودها وهو يضحك عليها
~~~عند غلا~~~
ملي دخلت وهيا شاردة فبحر احزانها حست بلي خلاص فقدت عزام مستحيل يرجع لعندها بعد الشي لي دارتو
كانت الخدامة تدخل عندها تشوف طلباتها لانو عزام طلب منها هاد الشي
جابت لها لفطور حطاتو قدامها
غلا بلعياط:بعديه من قدااامي مبغييتش نااكل 😠
الخدامة خافت راحت ترفدو تديه حبسها صوت عزام لي دخل بعد مافطر معا عايلتو وبشرهم بحمل غلا فرحولو وباركوليه
محكالهمش علا حكاية غلا وباباها محبش يشوه صورة غلا قدامهم حاس بالخنقة جامي توقع هاد الشي من غلا الطاهرة البريئة
سمع عياطها دخل عليها وقال بغضب:😠😠😠😡منال خلي البلا تما وخرجي رابيد
غلا راح تموت من تجاهلو ليها سيرتو كي مارضاش يسمعلها
قالت:علاش تخليه مراحش ناكل
عزام بعصبية وهو يقعد قدامها: راح تاكلي وبسيف عليك
وكمل بسخرية:ماشي علا سواد عيونك نوكلك لا غلطتي انا راح نوكلك علاجال ولدي برك
حست بمواس تنغرس فقلبها من كلام عزام كرهت هاد الجنين خاطر عزام مبغاش يهتم بيها هيا بغا يهتم بولدو برك
شافت فيه بنظرات تمرد وقوة قالت وهيا تعرف بلي كل كلمة كذب ماشي من قلبها :مكذبش بابا كي قالي عزام مايصلحش وميليقش يكون ز
ماكملتش خاطر سكتها عزام بكف
رفدت راسها تخزر فيه ويدها علا خدها كان وجهو حمر وعينيه خارجين كان العصب يهز فيه
جبدها من شعرها بقوة وهي تأن من الوجاع : راح نفكك مني يا غلا كي تولدي راح نرميك كيما لكلبة فالزنقة
غلا تشوف فعينيه هيا قوية ومهما يصرا مستحييل تضعف ديما تبقا قوية مستحيل يقدر عزام يهزها بكلامو راح تقدر تتغلب علا قلبها وحبها ليه
ماحست غير كي دزها بقوة لسرير حتا تضرب يدها بلكادر تاعو وقال بتنرفيز:ادا مبغيتيش تاكلي وجدي روحك نديك للسبيطار تجوزي 9شهر بسيروم غير ولدي لي منسمحش فيه راح نسمح فيك وولدي لااا
خرج وضرب لباب بقوة وهيا طاحت فسرير تبكييي😭😭😭
أنت تقرأ
كرونيك :💕عنيد_&_عنيدة💕
Roman d'amour#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
