كرونيك :💕عنيد_&_عنيدة💕

الحلقة 177

الحلقة 177
غلا فاقت علا وجاع فكرشها وكانت تزداد بشكل رهييب تخلعت تملها خوف مزال لحال علا لولادة راحت تقوم حبستها نغزة قوية مت كرشها خلاتها تفقد السيطرة طيح فلقاعة وتجبد معاها لغطا لي كان فسرير عيطت بأعلى صوتها تستنجد تبكي وتعيط بكل ما عندها لعلى وعسى يسمعها كاش واحد يجي يعاونها حست بنزيف قوي من تحتها يديها فكرها تبكي وتتلوى من الوجاع نتابهت لعزام لي دخل عليها بقوة وعلامات الخوف علا وجهو قرب لعندها يترعد بعد ما شافها فهاديك لحالة
عزام: غلااا مالك واشصرا
مقدرتش تهدر شاورتلو لكرشها وهيا تعصر وتتلوى عاد نتابه للدم وهاد الشي زاد من خوفو جبد لغطا لي كين تحتها لابغا معمر بالدم لفها فيه ورفدها يجري خايف خايف رجليه فشلو يترعد معرفش واش يدير تمنا كون كانت يماه وخواتو معاه
رافدها بين يديه هابط فدروج يجري
عزام: غلاا غلااا صبري يا عمري اني معاك متخافيش
غلا عينيها بداو يتغمضوا
عزام: غلاا متنعسيش صبري معايااا غلااا غلااا
غابت وهاد الشي لي زاد من خوفو خاف يفقدها خاااايف تصرالها حاجة خايبة خاايف خاايف
حطها فطنوبيل وزرب ركب قدامها الطريق حرقوا ميشوف ني بوليسي ني والوو عقلو معاها كون تصرالها حاجة وصلو رفدها بين يديه دخل بيها يعيط ويبكي
جراو لعندو داوها مبااشرة غرفة العمليات هو بقا يسنا برااا قلبو بين يديه معرفش واش صرا هادا وين قاتلو الخدامة كانت مليحة واشصرالها يا ربيي عتقها يا ربيي رجعهالي سالمة
بعد 4ساعات
خرج الطبيب باين علا وجهو صفر باين تعباتو العملية
هجم عليه عزام : واش صرا حكي
الطبيب بأسف: للأسف ولادة مبكرة والجنين حالتو حرجة مستحيل يعيش
عزام حس بقلبو طاحو ولدو لي يربطو بغلا يموت قال بتوتر:هيه ويماه مليحة
كان خايف يقولو حتا هيا راح تموت الطفل يتعوض مي هيا لاا
الطبيب : تعدات مرحلة الخطر تحتاج دم
عزام بسرعة: ايه عندنا نفس الزمرة راح نتبرعلها

~~عند نور~~~
الساعة 2 تاع الليل فاقت علا بكا فهد سحبت روحها من حضن خالد وراحت تجري لعندو
دخلت شعلت الضو وقربت لعندو هو شافها سكت رفداتو وراحت توجدلو بيبرون تاعو
هيا تاعبة وزاد عليها الوحم والحمل بغات ترقد برك
كانت تحط لحليب معرفتش شحال فرغت
نور بقهر: اوووف لخراا وراحت تعاودلو بيبرون آخر وقفها صوت خالد يضحك عند لباب حس عليها كي فاقت لحقها قال: خليني ندييرهالو انا وقرب منها نحالها البيبرون وسقسا علا المقاس ووجدو بسرعة خاطر فهد فحم بلبكا
مدهالها وهيا خشاتو ففم فهد سكت وبدات فوجهو البراءة المسعور ميصبرش
قعد خالد يشوف فيهم ويتبسم حس بحبو لكبيير ولعظيم لهاد الانسانة الي تشع منها مشاعر الحنان والحب
تبسمتلو وقالت: هاه وشبيك واشراك تخمم
خالد بضحكة: نخمم علا طفل لي جاي يا ويلي راح يرميوني برا قاع ماهدا واحد كل يوم ينقص من سعادني ويخلي عقلي يخرج فمابالك كي يوليو زوج
نور بثقة وجرأة كانت بعيدة عليها كل البعد مي بعد ما رجعلها خالد تفجرت فيها قالت: مستحيل نسمحلهم ينسيوني فحبيبي حتا لو كانو 10 ماشي زوج
خالد بلهفة: اححح علا قلبي شاف ففهد لي رجع رقد وقال : حطيه فبلاصتو وهيا معايا نذوق لحلوة
نور تبسمت وراحت حطاتو وباستو ففمو كي ما جات دور حتا حست بخالد رفدها بين يديه خارج بيها يجري قال: هاه وتزيدي تبوسيه قدامي وانا حتا نتمسكن ونتغبن قدامك باش تخرجيهالي
نور حوطت رقبتو بيديها باستو فخدو وقالت بدلال: مالك مغياار هاو بستك
خالد حطها فلراش باسها من فمها بقوة وقال: هاو كيفاش يبوسو