كرونيك :💕عنيد_&_عنيدة💕

الحلقة 46

الحلقة 46
علياء تعصبت منها: هاه شفت واش راهي تققول بنتك ماتستاهلوش و دوكا نعيطله ونقولو بلي غشيتو وهي مراهيش قابلة بيك
ع.النور: علياء لمي ر** عليا مناقصنيش
علياء سكتت كيشافتو يعيط و هي عارفة بلي حتا لوكان تخبر إياد مراحش يحبس لعرس و إنما راح يزيد يتشبت فيها كتر
~~~~عند نور~~~~
صرا لي كانت خايفة منو و خرجت اونسانت كرهاتو لطفل قبل ما يزيد خاطر يربطها بخالد
هبة بفرحة: مبروك مبروك اه ياربي راني فرحانة راح نولي جدة
نور افف لوكان غير ماحملتش مانحب حتا حاجة تفكرني فخالد: يبارك فيك
كانت راح تقول ليماها باش ماخبر حتا واحد بحكاية لحمل بصح قاطعها اتصال شمس
نور: وي شمس را..
قاطعتها شمس بلعياط:نور لازم تلقايلي حل بابا راح يزوجني لخو مرتو
نور مزال مستوعبتش واش قالت: شمس بلعقل مافهمتش وشراكي تحكي
هبة خافت عليها: واشبيها هاتي نهدر معاها
شمس تعيط و تبكي: امبعد نففهمك روحي جيبي ماني ورواحي رابيد
نور: اوكي دوك نجيبها و نجي نتي برك تهدني وسكرت التلفون
نقزت عليها هبة بخوف: وشبيها واش صرى اهدري
نور: والله ما فهمت بصح دوك نديو ماني معانا ونروحو نشوفو واش صرى
~~~~عند إياد~~~
وأخيرا راح نتزوج هاد لقطة لي كلاتني بلسانها افف معلاباليش واش عجبني علاش نضيع حياتي معاها و هي لا أخلاق لا ز*** علاش مشفتش كاش وحدة من لافامي الزين و التربية و الشطارة
تنهد و قال: بصح جمالها ميكونش عند لباقي و عيونها لي تقطر لقوة منهم و هدا لعجبني فيها وانا نحب كل شي مميز
شاف الخدامين لقاهم كملو مع لاشنبر تاعو غير فيها كلشي