كرونيك :💕عنيد_&_عنيدة💕

الحلقة 80

الحلقة 80
~~~عند خالد~~~
كان حالف يفشخها ليوم بصح عطلو بباباه لي جا لعندهم
كان يهدر معاه بصح يبان مقلق باباه خرج.وهو طار لعندها
دورها فلاشونبر مكانش حتا خرجتلو من السالدوبان تنشف فشعرها كانت لابسة بيجامة روج تاع الحرير تصدمت كي شافتو عندها و عينيه يقطر منهم الشر
قالت ببرور: خير نشاله واش تحب
خالد: واش قصدتي من كلامك لي قلتيه لحنان
نور عدلت شعرها ورات تمشي للكوافاز قالت: ما قصدت والو وديجا شكون لي سمحلك تدخل لعندي بهاد الطريقة
خالد شعل من كلامها حس بلي راهي تقلل من قيمتو قرب لعندها و حكمها من يدها بقوة وقال بلعياط:ماشي صغير عندك باش تتجاهليني ولي جاست تاع الهبال لي ديري فيهم خليهم خيرلك
نور بتنرفير: وانا نقولك اخطيني و لي جاست هادو مانخليهمش حتا طلقني ونتهنا منك
خالد بلعياط: الطلاق حلمي بيه راح نخليك علا ذمتي طول ما انا عايش ولي جاست تاعك انا لي نحيهوملك
نور بلعياد: نشوفو يا خالد وين راح توصل الا ماسودالكش حياتك ما يسمونيش
خالد بتنرفيز: كثر من هاد السواد لي معيشتيني فيه نظن مكاينش تبسم و كمل بخبث : بصح خليني نتمتع نهار اسود عندك ونهار ابيض معا ريم هكاك مانملش
جرحتني و دموعي على خدي وديان
كأنك تحس بألمي ارحمني ارجوك
نور حست بموس تغرز فقلبها قالت : بعمري ما شفت رخيس كيفك
خالد تجاهلها و خرج بعد ما حس بلي برد فيها قلبو

~~~عند اياد~~~~
كان خارج من السالدوبان لاف عليه فوطة لقاها لابسة وكاشخة
لبست روب طويلة فلبلو نوي نص كمام وطالون نوار
فاق بلي كانت تبكي بصح مل من كتر ما نصح فيها خلاص قرر يتجاهلها وياخد حقو منها بدون نقالص بصح يضعف كي يكون معنقها ولا يبوس فيها ويسمع شهقاتها ودموعها لي تبلل صدرو يحس بلي يقتلها بهاد الطريقة ماشي يعشقها
اياد اهه ياقلبي لي عشق وعيا اخخ مانقدرش نتحمل دموعها وينراكي ياعلياء تجي تشوفي دموع شمس ياما قلتيلي باش تبكي فهدا من سابع المستحيلات رواحي تشوفيها ولات ما تحبسش كل يوم علا خدها مي لي مفهمتوش علاش يعني من كرهها لي ولا واش بصح لوكان جات تكرهني كان قالتلي كي سقسيتها الا ماراهيش راضية بلمعيشة معايا راح نطلقها كيما كانت تحب
تنهد وقعد فالسرير شاف فيها وقال : جبديلي حوايجي
شمس عرفت بلي فاقلها كي كانت تبكي جبدتلو حوايجو عطاتهوملو وقالت: ماعليش توصلني لدار ماني

اياد وهو ينحي فلفوطة ولبس سروال قال: خلا وجدي روحك نوصلك فطريقي
شمس ياعمري ماعرفتش كيفاش نشكرك
راحت جابتلو تلفونو والمفتاح قالت وهي تقعد فسرير : اياد معليش نبات عندها
اياد مستغرب منها منين طاحلها العقل والظرافة و تسقسيه بلعقل ههه هادي اول مرة قال بخبث: وانا مانقدرش نرقد وانتي بعيدة
شمس بغضب: وانا عندي شحال ماقعدتش عند ماني من نهار اللي سكتت مكملتش
اياد بخبث: هيه واش صرا
شمس حمارت دزاتو وناضت:نتا الهدرة معاك تروح في باطبل رايحة نوجد حوايجي راح نبات بغيت ولا كرهت
اياد يضحك عليها : خلاص راح نخليك بلاك راح تتوحشي... وغمزها وخرج يسناها برا حتا تكمل