كرونيك :💕عنيد_&_عنيدة💕

الحلقة 48

الحلقة 48
~~~عند حنان~~~
وجدت روخها لعرس شمس كالغري معندهاش نفس تروح بسبة حكاية خالد و نور
هبطت باش تشوف شكون يوصلها شافت عمتها هبة و يماها قاعدين فالصالون راحت سلمت عليها
قالت: وشراكي عمتي و شراهي نور
هبة ما قدرتش ترقد بلا ما تخبر خوها فالصباح ناضت ديراكت لعندو لازم تخبرو باش يلز على وليدو يرجع مرتو
قالت:حمدلله يا بنتي حتى نور لاباس
تبسمت و كملت : غير الحمل راه متعبها بصح خليتها عند شمس
حنان لمعو عينيها: هاا يعني راح نولي عمة
هبة: بصح ماشي تروحي تسبقيني تبشري بباك خويا انا لي نخبرو
حنان ضحكت: ههه اكي هداك خوك ونتي خبريه و خرجت بسرعة تحوس على خالد باش تخبرو
~~~عند شمس~~~
وجدت روحها و خلصت هبطو حوايجها لتحت
جداتها راح تبكي:شحال وانا نتمنا نشوفك عروسة عانقتها بقوة كانت تشم فيها ريحة بنتها حنان قالت وهي تمسح دموعها: بنتي تعرفي واش ديري مع راجلك و نتي عروسة
شمس تلون وجهها وقالت بين روحها وعلاش راح نخلييه يلمسني اععع محاال
قالت: ماني خلاص حشمتيني
حنان تضحك: هااي شمس خلي ماني تحكيلنا باش نتعلمو
ما حست غير بنور كي قرصتها عيطت:اااااا بعدي عليا وجعتيني يا لمكلوبة
نور تبسمت: باش تحشمي حمارة
حنان تشوف فيها: والله غير حابة نقرصك نحيلك الجلدة بصح خايفة ليتوجع فهد
نور نسات حملها كامل: وشكون فهد
حنان وهي تمسح فكرش نور: هاو فهد ولا ماعجبتكش السمية ليخيرها بابا
نور تنرفزت و بعدت يد حنان: اا وشكون خبركم بلي راني اونسانت
ما حست الا بشمس معانقتها تضحك: صح راكي اونسانت كلشي مبروك يا حبيبة
الجدة: شمس خلاص خليها راكي خنقتيها
حنان استغربت من كلام نور قربت عندهم و بعدت شمس منها: هااي بعدي عليها راح تقتليلنا الطفلة خزرت فنور و كملت: و انتي يا لالة علاش ماكيش حابتينا نعرفو ايمالا نبشرك بلي حتا خالد عرف خاطر خبرتو
~~~~عند علي~~~~
ملي سمع وهو طاير بلفرحة راح يولي جد اول حفيد للعايلة
حفصة: علي واش راح نديرو مع خالد راني خايفة يطلق نور و نتحرم من حفيدنا
علي بإصرار: واش من طلاق ما يطلق ماوالو راح يرجعها للدار و بسيف عليه
دخل عليهم ايهاب و خالد سلموا و قعدو
علي غمز لايهاب و حفصة باش يخليوهم وحدهم
~~~عند نوور~~~
حست بالقهر علاش دارت يماها هكاك دوكا خالد راح يقول رخيصة صح حتى من عايلتها راح يستغناو عليها
ودعت شمس و راحت للدار تحس روحها مخنوقة حابة تقعد وحدها
وهي فالطنوبيل صونا تلفونها
شافت النومرو تنرفزت واش يحب علاش راه يعيط
ريبوندات و هي قالبة خلاقها : الوو
خالد عيطلها بناءا على طلب باباه الي هددو الا مارجعهاش مايزيدش يهدر معاه ال يوم الدين
قال: اهلا نور سفا
نور: ملي سمعت صوتك وليت سفابا وش تسحق ياك طلقتني علاش عيطت
خالد انقهر منها:اييه طلقتك وورقتك كانت راح توصلك غدوا الصباح بصح علاجال الموصيبة لي صارت لازم نرجعك فخاطر بابا
نور اتصدمت يعني حملها ولا موصيبة مدامك تكرهني علاش قربت عندي و مسيتني حيوان رخيس
قالت بغضب: هاد الموصيبة صرات بسبتك نتا وانا الحمارة اللي امنتك وماخذيتش الدوا اللي يمنع هاد الموصيبة باش تصرا ونحمل بولدك
سكرت التلفون عليه
خالد اتنرفز هادي ثاني مرة تسكر التلفون عليه اووكي يا نور الطلاق و ما نطلقش حتى و تبوسي عينك راح نجيب مرا وحدخرا وراح نعيشك المرار وراح تشوفي نخليك لا مطلقة لا معلقة راح تكوني مربية لولدي برك