كرونيك :💕عنيد_&_عنيدة💕

الحلقة121

الحلقة121

~~~عند غلا~~~
بقاتلهم سمانة ورجعو لبلادهم كانت تحسب السوايع باش ترجع عند باباها عزام وفالها بوعدو ولات تحكي معا باباها كل يوم بصح هي بغات ترجع لحضنو لي يحميها من عزام
كانت قاعدة معا دنيا ودينا فلجنينة يحكي
دنيا بجدية وهي تشوف فعزام لي يعوم فلابيسين
نشنق روجي كون يخرج هاد الراجل يحس تي شوفوه بارد معندو مايبين قدامنا فحياتو ماهدر معا كاش واحد بلملاحة وانا نظن شافت فغلا وكملت: حتا فلممارسة تاعو معاك يكون مشحاح ماشي رومانسي غمزتها: ياك صح
غلا ولات تكح: كح كح كح
دينا بغضب : دنيا واش هاد الهدرة شوفي غلا المتزوجة حشمت ونتي مت تحشميش
غلا حسيت برجفة كي هدرت علا العلاقة الزوجية سيرتو معا عزام منقدرش نتخيل المشهد راح نموت بين يديه متوحش ماعرفتش علاش وليت نخاف يصرا هاد الشي والا بغا هو منقدرش نمنعو خاطر حقو واش راح نزيد نعطي اعذار كنت نقول مايصليش ولا يصلي والا منعتو راح نرتاكب ذنب عظيم راح يحاسبني ربي سبحانو عليه تبسمت وقلت : والله صح يا دينا هادي ختك ماتعرفلهاش للحشمة
دنيا: والله خايفة يكون وليد عمو كيفو راح نقتل روحي انا نبغي واحد رومانسي
دينا: ماتبدايش من دوكا خلي دموعك لمنبعد خاطر راح نقولك بلي عماد بارد كتر من عزام يموت ومايبينش مشاعرو الظاهر وليتي تتأثري بلمسلسلات حنا وين والرومانسية وين نتي حمدي ربك اذا قالك كلمة حلوة قبل ما يخلطك فلفراش (عماد وليد عمهم وهو خطيب دنيا كتر من عزام بعام)
غلا ماتت بالضحك عليهم
دنيا بغضب: ايه ضحكي يا لالة لي يشوفك يقول عزام مشبعك رومانسية هدا الا ماهوش يجرك للفراش بلعصا
غلا بدلال: هدا عماد لي يجرك بلعصا ماشي انا ههههههه
دنيا بتنرفيز: هاه يتجرأ يمد يدو عليا نوريلو اخ كل مانتفكر كلام بابا لولاد خوه نبغي ننتاحر
غلا : علاش واش قالهم
دينا قامت قالت: انا نطلع لفوق كي تخلصو من حكاياتكم طلعو لعندي
دنيا بحزن: عرفتها راح تقوم
غلا بخوف: دنيا واش كاين وختك علاش قامت بزربة بعد ماجبدتي لحكاية
دنيا تنهدت: خاطر نحسو بالنقص والحقرة ماخلاولناش حرية الاختيار كيما بنات عمي
غلا : فهميني كتر مافهمتش
دنيا: بعد ما ولدني انا ودينا بعد 10سنين من ولادتها لعزام بابا كان فرحان وقال لعمي نبغي بناتي دينا ودنيا يكونو زوجات لولادك عماد وشهاب فهداك لوقت عماد كان عمرو 11 وشهاب 13 وهاد الشي لي مكرزنا سيرتو دينا تحس انو شهاب ماهوش من جيلها وانو فارق لعمر راح يسببلهم مشاكل بيناتهم سيرتو كي شهاب من عشاق البر والصيد وهي من بنات هاد الجيل لبسة ومكياج
غلا : العمر ما يهمش لمهم يكون يحبك ويخاف عليك يصلي ويصوم ويخاف من ربو
حست انها تقصد عزام قالت : ايه وهدا لي مريحني عماد راجل ملتزم كلشي فيديه الدين والاخلاق كان ينصح عزام بصح هو مايحملوش كان يكرهو خاطر بابا ديما يقارنو بيه
كملت ببتسامة : بصح عفتي واش لي ماقرش يديرو عماد من سنين نتي درتيه فشهر
غلا تغير لموضوع: هيه وعلاش مزال معرستوش لي فهمتو انهم كبار ولازم يعرسو
دنيا : ماعرفتش اللي نعرفو انهم يبنيو دار قدام دار عمي ربي يرحمو
غلا ببتسامة: ربي يوفقكم نشاله
دنيا بضحكة: بصح نتي ماشي تقعدي حتا يوصل لعرس وترفدي بلجوف زيرو رواحكم دوك كي يوصل لعرس يكون تولد وكبر
عزام وصل كيقالت زيرو رواحكم وارفدي بلجوف كان بشورط يقطر قعد قدام غلا اللي لوكان تلقا لرض تنشق وتبلعها
تبسم خاطر خواتو مايعرفوش سر علاقتهم قال ببرود: غلا صبيلي قهوة ندفا شوية
غلا صبتلو ومدتلو: هاك تفضل
عزام ببتسامة: يزيد فضلك
دنيا حبت تخليهم بوحدهم قالت رايحة تشوف دينا وقامت
عزام يرجف: اخخ نحس لبرد وصل لعظامي خلينا نطلعو ندوش بين ماتوجديلي حوايجي وقولي للخدم يطلعولي قهوة ندفي بيها روحي
قامت معاه وصات لخدامة تجيبلهم لقهوة وطلعت لجناحهم
وجدتلو حوايجو وهو راح يدوش
راحت تخرج حبسها صوتو
عزام خرج بلفوطة حاس روحو مرض كي عام فهاد الجو قال بتعب: غلا جيبيلي حاجة سخونة وروحي عند دينا تمدلك الدوا
غلا خافت كان يرجف ماقدرش مامبا يلبس حوايجو قالت : اوكي وراحت تجري
عزام رما روحو فسرير كان يتنفس بصعوبة بعد مدة دخلت عليه غلا فيدها سوب سخونة ودوا