كرونيك :💕عنيد_&_عنيدة💕

الحلقة 104

الحلقة 104
~~~عند حنان~~~
فاقت علا صوت رقيق لؤي بحب:ماما حنان نوضي
حنان شافت فوجهو ودققت فملامحو اللي هي نسخة عن حبيبها الي زعف منها بلا سبة جبداتو لعندها تبوس فيه وقالت:صباح لخير يا وجه لخير
لؤي ببراءة: ماما بليز اديني معاك للفاك مانحبش نروح عند ماني
ماحبش يروح خاطر يماه تجي تديه بلا ما يعرف ياسيين
حنان: يا عمريي باستو خلينا نروحو نفيقو بابا باش ما يتعطلش علا الخدمة
كانت كرشها مزال توجع فيها علابيها ماحبتش تآسيستي ليوم راح تقول لياسين يديرلها جوستيفيكاسيون
لؤي ناض يجري لاشونبر تاعهم ينوض باباه
هي ناضت دخلت لصالدوبان غسلت حالتها وراحت لعندهم
شافت ياسين ناض يدغدغ فلؤي لي ميت بالضحك
ياسين اول مانتابه لها حبس لعب معا ولدو
حنان حست بلغيرة من لؤي بغات لوكان هي لي راهي تحضن فيه قالت ببرود مازالها زعفانة من حكاية لبارح : صباح لخير
ياسين حس ببرودها وعرف السبة رد عليها ببرود: صباح النور خلي الخدامة توجدلك لفطور راح تتعطلي علا قرايتك
حنان ففف واش هاد الاسلوب بغيت نقتلو قالت بتنرفيز: مانيش مليحة علابيها محبيتش نورح ليوم راح نبقا معا لؤي
ياسين: الا علا لبارح ماعليك غير تنساي هداك الشي ونشاله مايتعاودش
حنان : تحب تعرف واشبيا جاتني العادة زعما يكون علابالك يا دكتور
رفدت لؤي ووقفت:فيها ماخليتنيش نفهمك وعيطت عليا بلا سبة وخرجت خلاتو مصدوم من الي قالتو
حس بروحو حقير لعن روحو الف مرة علا تسرعو قال بغضب وهو يضرب فلحيط: حمار حمار وانا علاش ماخممتش فهاد الشي اففف
حنان ولؤي قعدو علا الطابلة توكل فيه ويحكيو براحة تحبو هاد الطفل تعلقو ببعضهم بزاف
شافت ياسين داخل لعندهم ستغربت كيشافتو لابس حوايج تاع الدار شعرو مبلول باين كيما خرج من الدوش
ياسين حشمت منها كيفاش راح نطلب السماح وانا درتها كي لحمار وقفت بيناتهم وقلت : احح ريحة بنينة جاية من عندكم وطبس باس كل واحد فخدو
حنان حست بالسخانة قالت بزربة باش تغير الجو: علاش مالبستش وكملت بستهزاء: ولا راك غلبان
ياسين قعد مقابلها مد يدو يشرب قهوة تاعو قال وهو متجاهل كلامها: برك حاب نفرح les étudiants تاعي مانروحش
خزر فلؤي وقال: باش نخرجو ليوم عندي مدة ما خرجتش لؤي يلعب برا
حنان حست بلي هاد لخرجة اعتذار لييها رحمتو وقررت تسسامحو بصح بعد ماتاخذ حقها كي طردها من عندو لبارح
قالت وهي تمسح خدود لؤي: حبيبي كي تكمل روح عند سيسي(لخدامة)تبدلك حوايجك اوكي
وقفت وقالت ببرود: انا نروح نرتاح شوية
وطلعت لاشونبر تاعهم
دخلت تسطحت فسرير خذات مخدة ياسين حضنتها وتنهدت :آآآه
ما حست الا بيدين حاضنينها ملور قال بهمس:بسم الله عليك من هاد الآآه وباس وذنها
حنان تحاول تبعدو عليها : اااي بعد عليا
عمر لفها لعندو وهو مازالو معنقها قال : واش انا ياسين حبيبك تبعديه عليك
حنان بدلال: ايه هكدا خير باش تعرف كيفاه تعيط عليها لخطرة لجاية
ياسين بحب:سمحيلي والله علابالك بلي نحبك انا حمار غبي مانفهمش
حنان ضحكت بدلال وقالت: اييه حتا ليوم باش عرفت هاد الشي
ياسين تصنع الغضب وقال: هاه صافي هكا ارواحي لهنا تشوفي وبدا يدغدغ فيها وهي تموت بالضحك
وهو فرحان بتحسن الامور بيناتهم