كرونيك :💕عنيد_&_عنيدة💕

الحلقة19

الحلقة19
~~~بعد ساعة~~~
قررت تنفذ خطتها بعد ما قنعت جداتها لي مارضاتلها حتى شاح ريقها كانت تقولها مثلي انك ماشي مليحة حكمك المرض وانا نبكيلو لبابا باش يرجعني لعندك
بابا مستحيل يرجعني بدون سبب
راحت عند باباها تبكي كان قاعد فالصالون هو و باباه و إياد
قالت بصراخ: بابا لازم ترجعني عند ماني بسرعة راهي مريضة و محتاجتني مستحيل نخليها وحدها
باباها ناض خايف عليها: وكتاش مرضت وشبيها شكون قالك
شمس:كنت نهدر معاها فالتلفون كانت عيانة مقدرتش تهدر لازم نرجع
ع.النور و باباه صدقوها بصح إياد كان يخزر فيها بشك
حس بالقهر كان حاب يفضحها و يقول راهي تكذب عليكم باش ما تروحش و تبقى قدامو يشوفها
ع.النور بضيق:خلاص حبسي لبكا و روحي وجدي حوايجك نديك
جدها بخوف: راح الحال دوكا راح طيح الظلمة غدوا صباح و تروحو
شمس بإصرار: نوو منقدرش لازم نروحو دوك.
إياد يعني راكي مستعجلة على فراقي شوفي كيفاش خليتيهم يصدقو كذبتك بسهولة نستعرف بييك بصح عالاقل بقاي للصباح بش نطمن عليكي خليني نشبع منك اليووم برك😞😞
ع.النور: خلاص مكانلاه تخاف نوصلها دوك
إياد بإصرار:نروح معاك منخليكمش تروحو بوحدكم
الجد براحة: صح خلي إياد يساعفكم الطريق طويلة
ع.النور عجبه الحال تبسملو و إياد قريب يدوخ من الفرحة راح يوصلها للدار و راح يشبع من شوفتها
شاف نظرات شمس لتقولوه ماعرفتش علاش لازم دخل روحك نتا
اياد حتى انا ما عرفتش علاش راني نتبع قلبي الطحان الله اعلم وين راح يوصلني
~~~عند حنان~~~
كانت فلاشنبر تاعها تقرى ليمساج لي تبعثهم شمس ليها تخبرها عن مخططاتها و انها راح ترجع اليوم و راح تحضر الخطبة تاع نور و خالد لي بعد يومين
حنان بدهشة: والله هاد الطفلة لفعة واحد ما يقدرلها
~~~ فالطنوبييل~~~
سكوت تام إياد كان يسوق و مركز فالتروفيزار يشوف تحركات شمس
تاكد و بصم بالعشرة انها دارت خطة باش ترجع لانو تصرفاتها مكنتش توحي بوحدة مقلقة على كاش واحد كانت مركزة مع التلفون تبعث فليميساج و تتبسم ((ماعلابالعاش بلي راها تحت المراقبة هههههه))
شمس اللي كنت تكونيكتي مع حنان و تخبرها برجعتها و كانت فرحانة بزاف كي راح ترجع عند حبيبة قلبها(جداتها) مالقري لافامي تاع باباها ماقصروش معاها بصح هي ما تحس بالراحة غير كي تكون في حضن جداتها
حبسو يشوية فالطريق يرتاحو
ع.النور هبط كاش يشريلهم يشربوا و إياد هبط يشم شوية هوى
طول ع.النور عليهم و اياد استغل الفرصة و ركب فالطنوبييل
شمس خلعها صوت الباب لي تغلق بقوة قالت و هي تعيط :بسم الله الرحمن الرحيم هااي نتا فجعتني يا لحمار ماتعرفش تسكرو بلعقل
إياد التفت لعنها مصدوم من اسلوبها فلكلام: هاه معلباليش بلي عندك قلب يتفجع
قاطعته تحكي: هييه انتى راك جبتها مورايا من لبرمي جور تيدر تقولي وش راك حاب عندي
اياد prsq نحبك يالبغلة: هييه حاب نقهرك كمل يحكي باستحقار: بصح ما توقعتش تكوني جبانة لهاد الدرجة و تستاسلمي بسرعة شمس مصدومة من تصرفاتو لي ماهيش طبيعية جا في بالها انو حاب ينتقم منها علاجال ختو
قاطعتو بعصبية: هييه و كيفاش ستسلمت
قال: علاه كيفاش تسمي رجعتك عند جداتك بعد ما تهاوشنا الصباح عند العود غير انو الهروب من المواجهة كانت راح ترد عليه بصح قطعها و كمل: ما تفكريش انو كذبتك مشات عليا و ديجا علابالي بلي جداتك ما بيها والو و هذا لي درتيه حيلة باش تولي اااه قصدي باش تهربي تبسملها يغزل فيها
انصدمت منو كيفاش فاق بيها كانت راح تردلو بصح سكتها باباها كي ركب باباها خافت يفضحها
بقات تخزر ل إياد بكره و هو شافها من التروفيزار تبسملها يغزل فيها خنزرت فيه و دورت راسها تشوف فالطريق