كرونيك :💕عنيد_&_عنيدة💕

الحلقة127

الحلقة127
عزام حس بملمس يديها علا كتافو كانت بقمة الخفة كانها همسات مش لمسات
رفد راسو شاف فيها كان فعينيها كلام عجز لسانها يهدرهم هو فهم منهم الموافقة علا كلامو
حط يدو علا يدها وضغط عليها
غلا ماقدرتش نرد عليه مازلت تحت تأثير الصدمة كل لي قدرت عليه ابتسامة بسيف باش ظهرت علا فمي
عزام تأكد من احساسو سحبها لعندو حضنها دخلها فصدرو لعريض
غلا ماقدرتش تبعدو خلاتو براحتو حست بصوابعو دخلو فشعرها يحركم بخفة
عزام حس انو ملك الدنيا بقا مستمتع بحضنها حتا دخلت عليهم يماه باين عليها معصبة
بعدو علا بعضاهم غلا حشمت هبطت راسها
عزام تفوو علا زهري الطحان اخخ كيفاش نسيت الزمر تاع لباب مقفلتوش
يماه بغضب: شكون سمحلك تمد يدك علا بنتي ولا الستوتة هادي عمرتلك راسك ولا التعناق والبوس ليها والضرب والتشناف لعايلتك
غلا غاضها لحال قامت خلاتهم وحدهم وراحت لاشونبر
عزام بتنرفيز: تحمد ربها كي خليتها عايشة
يماه بلعياط: نتا واش صرالك علاش تغيرت هكا
عزام بسخرية: تغيرت للاحسن يا يما لحنينة ولا الاسوء هاه قولي
يماه:😐😐
عزام بغضب: عرفت بلي ما عندك ما تقولي خاطرك عرفتي الغلطة تاعك وخايفة نواجهك بيها تعرفي الغلطة تاعك وشنو هملتيني نتي وبابا هو خاطرو ماعندوش وقت يضيعو معايا كل همو يجمع الفلوس ونتي غراتك المظاهر خلاتك تنساي ولدك ولا همك الحفلات والسهرات والتسوق عمرك ماسقسيتي عليا ادا كليت ولا قريت لالا وكل هدا وكلتي عليا مربية
ضعت معا جماعة لفساد وماهمكمش نتي تلومي فبابا وبابا يلوم فيك وانا الضايع بينكم
يماه ماقدرت تنطق بحرف عندو لحق كلشي قالو صح ماقدرتش تزيد تسمع كلامو لي يقتلها ويخليها تنتف شعرها من الندم فضلت تروح تهرب منو مسحت دموعها وخرجت تجري
عزام كمل بلعياط: ايه هربي كيما موالفة كلام لحق يبكي ودفع لباب بقوة سكرو
راح يشوف غلا لي دوك وين توله اختفاءها دخل لاشونبر لقاها قاعدة مخشية راسها بين ركايبها تبكي بشهقة
غلا حست بالضيق علاش يصرالها هكدا واش ذنبها من كل هذا هيا لي عانات معاه هو مكانش يهدر معاهم بصح هيا لي تضربت ليلة عرسها وهي لي تحملت عياطو وتهنتيلو
عزام خنقو بكاها مقدرش يتحمل راح قعد عند ركايبها وحكمها من كتافها وقال بضيق: غلا شحال من خطرة قوتلك مايهمكش كلام يما
غلا مقدرتش تهدر رمات روحها فحضنو تشهق
عزام مصدقش حاوطها بيديه زير عليها يحاول يهديها
~~~عند شمس~~~
الساعة 22h00
فتحت لباب ودخلت بلعقل وهي حاسة بخوف فظيع حاسة بلي راح تصرا حاجة بيناتهم بسبب تأخرها هي قالت لنور يخليوها اومبعد بصح هيا كبشت
طولت بسبة السكانار والتحاليل طولو باش خرجو الطبيبة قالت بلي سليمة %100 وقالت قولي لراجلك يجي نشوفو بلاك لبروبلام فيه
تبسمت فتحت لباب وقالت وحتا لوكان يكون لعيب فإياد مستحيل نخبرو ونجرحو ولا نتخلى عليه مهما كان
اول ما دخلت دارت شافت اياد واقف يسنا فيها وهو فقمة العصبية
شمس بخوف : ا ن ا اس
ماحست غير بإياد هجم عليها سكتها بكف طيحها رفدها من شعرها كرفسها شبعت كفوف مخلاهاش تهدر
اياد حذرتها وهي كسرت كلامي وزيد من السبعة وانا نعيطلها وهي مكانش
شمس معندهاش الريزو هو كلاه قلبو خاف عليها غراف كلشي خايب جا فبالو
اياد بلعيا: وين كنتي يا لق@@ ليوم ندفن ر@@ هنا
شمس بسيف قدرت نفلت منو طبعني طحت فلرض حسيت عظامي تكسرو
قالت بعناد وبلعياط: ماشي شغلك
وكملت بلبكا: والله غير ندفعك ثمن ضربك ليا يا الرخيس
اياد جرها من شعرها وقفها وقال بغضب: الرخيس دوك تشوفي الرخيس شكون زادلها كف بكل قوتو وزير علا فكها:هدري ر@@ وين كنتي يا لحمارة
شمس تتألم بصح متبينش قالت بلعياط: وانا مش راح نهدر
جبدت روحها منو بسيف وقالت بلعياط: ونزيدلك انا مستحيل نزيد نقعد معاك دقيقة دوك نروح عند ماني
اياد بدون وعي: روحي الله لا يردك كرهتيني فز@@ كرهت ر@ حياتي من جرتك وين لقبر بشريني دوك نوصلك هنيني
شمس مسحت الدمعة لي خانتها وطلعت تجري لاشونبر تاعها
اياد قعد فلكرسي يخفف من عصبيتها ماحبش يلحقها وتزيد تشعل الحرب كثر ماهي شاعلة
شمس دخلت وردخت لباب بقوة هبطت لافاليز تاعها وبدات تحط حوايجها بعنف قريب يتقطعو بين يديها
راحت تعيط لجداتها تجي تديها مستحيل تقعد معا اياد بعد ما هانها وذلها وزاد ضربها وهاد الشي لي قهرها حساتو كيما لوخرين