كرونيك :💕عنيد_&_عنيدة💕

الحلقة 156

الحلقة 156
~~~عند نور~~~
مقدرتش ترقد من فرحتها خبرت عايلتو بلي عيط وهدرت معاه حست بتوترهم كأنهم يخبيو حاجة تنهدت اه يا خالد شحال توحشتك توحشت عيونك توحشت غرورك وتكبرك توحشت كلشي فيك اخخخ ليوم عرفت بلي مستحيل نكرهك وبعدك عليا خلاني نزيد نعشقك رجعلي برك ونوعدك راح نكونلك كيما تحب
شافت ففهد لي رجع يرقد معاها فسرير ملي راح خالد وهو معاها كان يرقد فجيهة باباه سمعت تلفونها يصوني قفزت جبداتو بسرعة وريبوندات قبل ما يفيق فهد
~~~عند العرسان دينا&شهاب دنيا&عماد~~~
دخلو كل واحد خرج عروستو وكل واحد يفكر كيفاش راح يتأقلم معا مرتو
شهاب الضحكة مفارقتوش مالغري حاس بشوية توتر مي نورمال عكس عماد الي مرتابك يديه يرجفو حتا دنيا حست بيه
عزام يشوف فخواتو كبرو راح يتزوجو هو فرحان خاطرهم قبلو بولاد عمو يعرفهم رجال وراح يحموهم قال ببتسامة: هاي هاي منوصيكمش علا خواتي راهم بمثابة بناتي
شهاب: هيه نتا الصغير فينا وتقول بناتي حنا واش نقولو 😏😂
عزام وعماد يضحكو عليه😂😂
شهاب يوشوش لعزام :يا لحمار فكنا من هاد التخربيط خليني ندي مرتي ونروح
عزام بخبث😈:بعقلك علاش مزروب
شهاب:😡هيه نتا شبعان ها يا خويا فكنا خلينا نروحو راهي 00
~~~عند شمس~~~
اياد راح يرقد وهي مقدرتش طار عليها النعاس
اياد ميقدرش يسهر يصبح خدام بكري
بقات وحدها قررت تعيط لنور تحكيلها واش صرالها معا اياد
بقاو يحكيو حتا بدا يبكي فهد كوبات نور وشمس فرحانة سيرتو كي حكاتلها نور علا خالد واحساس اللي حساتو كي سمعت صوتو باينة مزالها تحبو ربي يجمعهم معا بعض يا رب
تنهدت راحت ترقد دخلت فلفراش بقات مركزة علا اياد باين عليه غلبان من الخدمة مدت يديها تمسحلو علا شعررو
اياد ببحة نوم: كون عير كل يوم لانيف تاعك 😍
جات تبعد يدها مي هو حكمهالها قربها لفمو يبوسها
شمس بخجل: علاش😊
اياد بحب:باس نسمع منك الهدرة الحلوة وحتا لي جاست تاعك ليوم هبلوني😍😍
شمس وهي تجبد يدها بسيف تسطحت وقالت بدلال:هيه ماتوليش طماع
اياد :😞والله ماني طماع نتي لمشحاحة😒
شمس:هيه زعما لي يسمعك يقول راني مقصرة فحقك نتا لي متشبعش واش نديرلك😛

~~~عند شهاب~~~
دخلو لجناحهم راح يعاون دينا تمشي بروب تاعها كانت ثقيلة حتا انها جرحاتها عند صدرها سبت روحها علاش مجابتش وحدة سامبل كيما تاع ختها
بعد مادخلت بسيف باش قدرت تقعد فسرير مقدرتش تتحرك
شهاب قفل لباب وخزر فيها تنهد خايف يحسد روحو ويصرالها شي
دينا كانت مهبطة راسها من الحشمة شهاب ستغل لفرصة فلاها فليان مخلا فيها شي بدا من لاكواف تاعها اومبعد مكياجها السامبل هبط لشقة صدرها لباينة بلع ريقو نحا لكرافات ولفاست حطهم وقرب قعد قدامها حط يدو علا راسها وقرا دعء الزواج(اللهم اني اسألك خيرها وخير ما جلبتها عليه)
عداو ليلتهم كأي عرسان
اما عند عماد
دخل عليها لقاها مهبطة راسها تلعب بيديها قرب لعندها رفدلها راسها لقاها تبكي تخلع 😨قال: دنيا واشبيك هدري
دنيا:😐😐😐😢
عماد : واشي قولي خايفة ولا مكيش راضية علا هاد الزواج معجبتكش نورمال هدري دوكا خير
دنيا هاا يا ربي واش هاد الضغف واش راح يقول راهي مغصوبة علا هاد الزواج قالت : خايفة منيش واجدة لهاد الليلة بلييز عطيلي شوية وقت
عماد:😞😞😞اييه راحتك ودوكا هيا نتعشاو
دنيا:اوكي نبدل ونجي
اول ماخرج هبطت علا شعرها تفسخ فيه بسيف قريب تقلعو وعينيها مدمعين