الحلقة 169
~~~بعد يومين~~~
عند غلا كانت فحالة يرثى لها كل يوم بكا مترقد متاكل خطرات يحكموها دي كريز حتا يدقلها الطبيب برة باش ترتاح
عزام جامي دخل عندها ولا حتا شافها حتا ولات تهتارف بسميتو كان يسقسي الطبيب وهو يطمنو عليها
باباها بعد ما فطنت دخل لعندها طلب منها السماح ودعها خاطر تخلا علا خدمتو فالمزرعة قالها بلي راح يسافر لفرانسا عند صاحبو يشوفلو كاش خدمة((رخييس بعد ماقلبلها حياتها راح وخلاها))
غلا زادت ساءت حالتها اكثر كي سمعت هاد الكلام كيفاش يخليها عند عزام ويروح بعد ماشوهلها صورتها عندو
دخلت عندها الممرضة نحاتلها السيروم
وقالت : الحمدلله خلاص صحتك بدات ترجع كيما كانت ننصحك تتهلاي فروحك وفولدك نتمنا يخرج يشبهلك خاطرك آية فلجمال مشاء الله نتمنالك تتهناي فحياتك معا راجلك ههه معليه راهو مخنزر ومشنف ههه لمهم راح رخصلك الطبيب باش تخرجي ليوم وراجلك راه يسناك برا هوا لي قالي نخبرك باش تلحقيه
غلا تبسمتلها بتعب : اوكي
عاونتها الممرضة تلبس جمعتلها قشها فالساك وخرجتها تعاون فيها تمشي مزال الدوخة تدي فيها مفرحتش حتا بوليدها خاطر عزام معطاش رايو فيه
كي وصلت قدام لباب عدلت خيمار تاعها شافتو مشا قدامها بعد ماشاورلها تبعو متعبش روحو ممبا يعاونها تمشي
راحت موراه تمشي بلعقل هازة فيد ساك تاعها واليد لوخرا حاكمة بيها فلحيط باش مطيحش وصلت قدام الطنوبيل ركبت بلعقل وهو مخزرش فيها ممبا
دارت لاسانتور ودورت راسها للزجاج دموعها علا خدها حست روحها وحيدة ضايعة مظلومة ظالمة لا سند ولا ظهر بوها تحتمي فيه تخلا عليها فإول فرصة
حتا يماها اول ماسمعت بلي لخطة فشلت رجعت ديراكت وكإنها كانت تسنا فيها بأحر من الجمر مسقساتش ممبا عليها
طول عمرها قوية خاطر بوها معاها يساندها مي دوكا لا بو لا هم يحزنون
كانت تضغط علا يديها بقوة حاسة بخوف ورهبة ملي يسناها من عزام سيرتو كي شافتو مزير علا يديه وملي طلعو وهو ساكت مخسرش عليها حتا خزرة
عزام حاكم روحو علا شعرة بغا يتسلح بسلاح البرود قدامها وهاد الشي راح يعذبها مراحش يناقشها فحتا حاجة بسبب حملها
هو كان ممكن يطلقها ويبعد عليها مالغري راح يكون صعيب عليه مي دوكا ولا اصعب سيرتو كي عاد فلحكاية طفل يربطهم ببعضاهم وهو مستحيل يتخلا علا وليدو ويخليه يدوق من نفس المعاناة لي داقها هوا
غلا تشهق متسكتش يا عزام عيط عليها ضربني قتلني ادا بغيت متسكتش متتجاهلنيش هاد الشي راح يموتني
حبس قدام الدار وقال ببرود:هبطي ديراكت لدار بلاك يشوفك كاش واحد راح تلقاي الخدامة تسنا فيك وصيتها عليك
غلا بشهقة: عزام انا 😢😢
قاطعها بلعياط:😡😡😡😡منحبش نسمع صوتك قوتلك اهبطي يعني تهبطي اوكي
غلا هبطت وهيا تبكي فبلاصة الدموع دم
محبتش تتعامل هكدا من عزام سيرتو كي كان يعاملها بدلال
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
