كرونيك :💕عنيد_&_عنيدة💕

الحلقة 70

الحلقة 70
~~~~عند اياد~~~~
الساعة 19:00
ناض يتكسل شاف فالساعة زفر يعني رقدت 5 سوايع والله غير مليحة تدكر بلي ماصلاش العصر و المغرب ناض من بلاصتو يخرنن يعني ما سمعش للاذان و حتا من شمس مافيقاتوش
بعد ما صلا و كمل لبس حوايجو و خرج كان عمبالو بلي شمس اكيد مكسرة كلمتو وراحت
شاف غرفتها محلولة راح ليها دخل شافها فلفراش راقدة كإنها تحارب كل رجل فجيهة شعرها طايح علا و جهها
ضحك عليها كانت تبان من وجهها بريئة
اياد : ههه هادي طيح فيها البرائة غير كي ترقد كي تنوض تكون كي شغل عاصفة
كن يلقا يعانقها و يبوسها تنهد و قال: لوقتاش راح نبقا محروم من حقي
مالازمش نزيد نسكتلها لوكان نتبعها والله ما ترضا علينا قعد قدامها جا علا بالو يرجعلها الفازة تاعها جبد الغطا من فوقها بقوة و عيط عليها: اييي نوضي يا مدام
شمس نقزت لونها مخطوف: واش صرا واش بيك
اياد يضحك علا شكلها كيفاش نقزت تخرج و دخل فالهدرة قعد قدامها و قال:ههههههههه مكان والو غير حبيت نديرونجيك كيما ترتيلي مقبيل
شمس غزلت من تصرفو بصح عجبتها ضحكتو يعني هاد الفازة ديما ديرهالو و طيحلو الماء فركابيه من الخوف ههههه تقعدت علا ركيبها فالسرير عوجت شفايفها كيما لولاد الصغار: هاكدا يدرو الناس بصح ماعليش يا إياد الحلوف الا ما رجعتهالكش مايسمونيش شمس
اياد هبل من لجاست لي دارتو بقا مركز معا شفايفها كان مركز مع شفايفها فخاضها صدرها الي يبان من تحت البستي كانت لابسة شورت روج قصيير
ماحسش بروحو كي جبدها لصدرو وحكملها يديها باش ما تهربش

شمس قلبها قريب يحبس من الخلعة
قرب منها يبوس فيها وهي شبه مصدومة ماقدرتش تهدر ولا ماتحبش تهدر وتفسد اللحظة
كي عرفت بلي خلاص راس تسلملو روحها حست بدموعها هابطين علا خدها اول مرة تبكي قدام واحد
اياد مقدرش يبعد عليها همسلها فوذنها وقال: وقتاش ترحميني يا شمس انا منضمنلكش نزيد نصبر
ستغرب من سكوتها اول مرة متقاوموش بعدها عليه رفدلها راسها تصدم كي لقاها تبكي:شمس حبيبتي خلاص خلاص متبكيش ادا محمليش نقربلك والله ما نزيد نقرب خلاص سكتي
كان يهدر و يمسحلها فدموعها باش تسكت وهي وجهها ولا حمر من البكا اول مرة يشوفها ضعيفة وهو ما يحبهاش هكدا يحبها قوية ومتمردة
شمس رمات روحها علا السرير تزيد فلبكا هي تحب قرب اياد بصح خايفة من حياتها معاه
اياد تعصب من بكاها قال: شمس خلاص علاش هاد البكا كل ولا راكي مخبية كاش حاجة و خايفة تقوليهالي
تعمد يهدر هكدا باش يشوف ردة فعلها
شمس بلعياط: قادر روحك منسمحلكش تهدر معايا هكدا
ورجعت تبكي
اياد زاد تعصب وراح يخرج قال: اسمعي انا سكتتلك بزاف ومن ليوم سيبون و حقي راح نديه وبسيف عليك طربق الباب و خرج
~~~عند نور~~~
كانت مع يماها يشريو فحوايج البيبي ماخلات شي ماشراتوش

نور : يما خلينا نريحو شوية خلاص عييت منقدرش نكمل
هبة: خلاص نتي قعدي فهاد الكافي وانا نروح نكمل نشري وحد الصوالح و نولي عندك
نور قعدت فلكافي دموندا جو و قاطو
بعد فترة نصدمت من خالد لي كان فنفس الكافي واقف يدي قهوة ومبين عليه كان يتسوق
نور تتبسم بقهر: عشت وشفت خالد يتسوق باين يوجد لعرسو يخخخ لهنا نشاله افف استغفر الله مهما كان يبقا ولد خالي منهدرش عليه
سرحت تشوف فيه و فهيبتو و رجولتو ما حست غير بيماها تهدر معاها
نور بتوتر: وي يما
يماها: واشبيك