كرونيك :💕عنيد_&_عنيدة💕

الحلقة37

الحلقة37
~~~عند شمس~~~
كانت تهدر معا حنان فالتلفون و تباركلها كي قبلوها فكلية الميدسين
حنان بإهتمام: شمس علاش متخيريش كاش تخصص و تروحي تقراي خيرما تقعدي فالدار
شمس: والله عجبتني القعدة فالدار و الهواش مع علياء ههه حابة نخرجلهم قلبهم
حنان: واش بباك مزال مهداهش ربي ويرجعك عند ماني والله غير توحشاتك
شمس:واقيلا مش راح يهديه حتى يموت بسبابي
حنان: اييه و ماني مهدرتش معاه يعني رضاتلو باش يدييك معاه
شمس تذكرت بلي جداتها حاولت معاه بصح محبش يسمعها و حتى انها فكرت باش تقول لايهاب يروح يخطبها باش يتزوجو و ترجع تعيش معاها بصح هي تنرفزت من هاد الفكرة و قالت انها راح تتحمل تعيش بعيد عليها و لا تتزوج مع الحيوان تا ايهاب
قالت لحنان : واش راح دير يا علابالك بابا راسو يابس
~~~عند نوور~~~
دخلو للدار وهي ساكاتة ملي ركبت فالطنوبيل ماهدرتش خلاتو وراها و دخلت ديراكت للاشونبر
خالد توله لزعافها و مادار حتى ردة فعل راح للصالون شعل التلفزيون و قعد يتفرج
نور ااه ياربي مشقاش روحو ممبا يهدر معايا علاش راه بارد معايا اففف
دوشت و خرجت لافة على روحها فوطة شافت فيه لقاتو مبدل و متسطح فالسرير راحت جبدت بيجامة و سوفاتمون بدلت قدامو و هو راح يحرقها بنظراتو كي خلصت فتحت لباب و خرجت
خالد و الله ما تسلكها اليوم زعما حابة تخليني هكدا عيط عليها: نوور
نور جات تجري: واشكاين
خالد ناض وقف قدامها وقال: وشراكي قاصدة بهاد الجاست و الله غير نفرشخ يماك لوكان تزيدي تعاوديها نتي مرتي و بلاصتك قدام راجلك

نور خافت منو كان يعيط : ماقصدت حتا حاجة
خالد بلعياط: هاا مقصدتيش ولا كي ماخليتش تباتي في داركم حابة تعاقبيني
نور بلعياط: نتا لي فهمتها هاكدا انا برك كنت حابة نوجد تيزانة لروحي prsq كرشي تضرني و كنت حابة نقعد قدام الشميني باش نسخن فهمت ولا نزيد نفهمك خرجت و هي تشهق
خالد اتصدم منها يعني علاش محاولش يفهمها قبل وهو كي لحمار عيط عليها و ديجا كيفاه نسا لادات تاعها خرج موراها باش يعتادر منها
شافها راقدة على الفوتوي و شهقاتها تتسمع من عندو راح قعد قدامها و حط يديه على كرشها و قال: راكي موجوعة نديرلك تيزانة
شافها ساكتة قال: نور سامحيني مقصدش نعيط عليك
نور: لا رد تبكي
خالد:نوور خلاص سمحيلي انا مانقدرش نبعد عليك علابيها مارضستش تاتي في داركم و كي شفتك خرجتي من لاشنبر بلا ما تهدري حسبتك ماكيش حابة تقربي مني. هبلت فمخي
نور تبكي و تهدر: علاش وقتاش بعدت عليك ولا عاندتك بصح نتا كل مانطلب منك حاجة مترضاش
خالد تعصب كي مارضاتش تسامحو بعد كل لي حكاه قال بتنرفيز: انا على واش مارضيتش ولا كي ماخليتكش تباتي فداركم غدوا نديك و باتي قد ما تحبي كيتشبعي نجي نروح بيك ناض وقال: بونوي نروح نرقد عقال