كرونيك :💕عنيد_&_عنيدة💕

الحلقة 167

الحلقة 167
~~~عند نور~~~
كانت طايرة بلفرحة
كي دخلت عند خخالد مخلاهاش ممبا لفرصة تحكي ولا حتا توجد روحها كان كيما لعطشان الي عطاوه لما فآخر لحظة
اول ما شافها دخلت تبسم وشارلها تقرب تقعد قدامو
قربت وهيا حشمانة مزالت تحشم منو فهاد الامور بقاو فترة يشوفو فبعضاهم عينيهم لي تحكي
بعد مدة من التأملات المحمولة بالشوق والعشق
ماحست غير وهيا طايرة من بلاصتها كان خالد لي متلهف ليها رفدها بقوة وراح بيها لجيهة لفراش
حطت راسها علا كتفو وتبسمت بفرحة
لمهم دوزوها ليلة غاااية عبر كل واحد علا شوقو وحبو
فالصباح فاقت شافت فخالد لقاتو مزالو راقد
كانت الساعة 10 هيا موالفة فهاد لوقت تكون ناضت حتا لو كانت سهرانة
سحبت روحها من السرير بلعقل غطات خالد كان الجو ششوية بارد
دخلت دوشت كي خرجت راحت ديراكت عيطت ليماها تسقسي علا فهد اول مرة ترقد بعيدة عليه
صونا زوج خطرات جاها صوت يماها: صباح لخير
نور حشمانة:😊😊بونجور يا لغالية
وبدات بأسئلتها علا فهد وكتاش رقد بكا مبكاش كلا مكلاش ويماها دوح فراسها😵😵😵من كثر معاودتلها الهدرة توصي فيها بلاك البرد بلاك لاكوش عسي بدر بلاك يعضو😂😂😂 حتا كوباتلها فوجهها
~~~فدار السي ناصر ببات عزام~~~
الساعة 23h تاع الليل كلهم متوترين وخايفين علا عزام هو اصلا مقالهمش بلي رايح للمزرعة
وشهاب قالهم بلي خرج من عندو علا 2h تاع الصباح لبارح زاد خوفف يماه وبابه سيرتو كي يعيطولو وهو ميريبونديش اومبعد طافي حتا غلا متريبونديش
ناصر يسقسي دينا:وينراه شهاب
دينا بتوتر وبحة لبكا:صونا تلفونو خرج يهدر برا
شهاب كوبا علا عماد هدر معاه بلا ميبينلو بلي كاين حاجة هو مسافر معا دنيا شهر عسل
دخل شاف عمو رايح جاي فالصالون مرت عمو تبكي بلاحس ودينا معنقتها تبكي معاها
ناصر بغضب:خلاص نتوما بلعو حسكم عليا
شهاب غمز لدينا باش تدي يماها ويخرجو وبلفعل دينا نفذت الشي لي قالو
ناصر وهو خارج: مشي معايا نروحو للمزرعة بلاك راح لتما
شهاب : اوكي ييلاه
عيط لدينا خبرها بلي رايحين خرجو ديراكسيون المزرعة