الحلقة13
~~فلاشونبر تاع شمس~~
ناضت دخلت للدوش توضات و صلات العصر و دعات ربها انو ينجحها غير باش تسكت بوها
بعد ما نحات لبسة الصلاة دخلت عليها جداتها
جداتها:الله يقبل يا بنتي
شمس بابتسامة:آمين كاش ما تحتاجي ماني
جاتها:لا غير جيت بش نقولك توجدي روحك بباك او جا باش يخرجك تنحي على خاطرك شوية
شمس تحب بباها و علابالها بلي يحبها و يحب على مصلحتها بصح يغيضها الحال منو كي يعيط عليها قدام مرتو:اوكي ماني نبدل و نجي
جداتها خرجت و هي راحت لدريسينغ لبست بنطلون دجينز بلو و بودي روز و خلات شعرها مسرح دارت مسكارا و قلوز في فمها هي ما تحبش تكثر ملماكياج لبست باسكات بلون و هزت ساكها و خرجت عندهم
ع.النور التافت عندها و خزر فيها بحب هو يحبها كتر من خاوتها لانها الفرحة لولا ليه و خصوصا كيهيا بنت حنان لي عشقها كبير مازال كي يتفكرها توليلو ليسونتيمو و تغرغر عيونو بالدموع كان يشوف في شمس حنان هي نسخة على يماها وقف و فتح يدييه
قال بشوق: اهلا ببنتي الغالية ارواحي عند بابا راني متوحشك
شمس عانقته بقوة و قالت :حتى انا يا بابا توحشتك
قال:ايه راني نشوف هههه يالاه خلينا نروحو
قالت:وين راح تديني 😜
بوها:نديك ديري شوبيينغ هه نسيتي بلي راح نسافرو للبلاد بعد غدوا
شمس جمعات الضحكة: يا با مانيش حابا نروح اصلا نحب نبقى مع ماني
باباها بعصبية:شمس كلامي مانبقاش نعاودو راح تروحي و بسيف عليك و دوكا يالاه قدامي طولنا
شمس خزرت في مانها لي ساكتة و مفتحتش فمها كامل و قالت :خلاص نروح بصح تحمل المسؤولية كي يهدر معايا كاش واحد و نتمادى عليه راك تعرفني و خرجت قدامو
قررت تستاسلم و تروح للبلاد prsq متقدرش على باباها
~~~بيت علي~~~
قاعد مع ولدو علي يهدر معاه على الزواج
علي: هاه وشرايك لوكان يهديك ربي و نروحو نخطبوهالك
خالد مصدوم يعني طلعت هدرة خوه صح و انو عمتو تحبو لبنتها بصح كيفاه يعني راحت قالت لخوها اني حابةوليدك لبنتي
هههه يعني نقالبت الحكاية ولات هي لي تخطبو لبنتها ولا تطمع من الدراهم و الشركة تاع بوه هي تحلم هو ما يتكلش على بوه دراهمو يجيبهم من عرق جبينو
قال ببرود:اللي تشوفو يا بابا الا راك شايف الطفلة تصلح اخطبهالي
علي بفرح:بيانسور تصلح لوكان تشوف واش من ادب و واش من تربية يعني استنى نخطبهالك و يبين كل شي
~~عند شمس~~
بعد ما تغذو راحو شراو القش شرات كلشي عجبها حتى ما لقات وين ترفد قررت كي تروح تلح على جدها باش يجيبلها الحصان لي وعدها بيها و هي علابالها بلي مش راح يرفضلها طلب
~~~بعد يوم~~~
ناضت على صوت تلفونها شافت الساعة لقاتها 7 تا الصباح
تنهدت و ردت:الو
باباها:بونجور شمس وجدي روحك راح نمرو عليك بعد ساعة و كوبا
شمس نطرت التلفون و عيطت:ما نحبش نروح يا ربي بسيف
ناضت تقلع في شعرها تسب و تلعن
عند ع.النور كان واقف قدام دار الجدة يستنى شمس تطلع حتى صونا تلفونو لقاه إياد
ع.النور:الو صباح الخير اياد
إياد: اهلا نسيبي وينراك انا راني ديت خالتي(ذهبية يمات ع.النور) راح نسبقوك
أنت تقرأ
كرونيك :💕عنيد_&_عنيدة💕
Любовные романы#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
