الحلقة 153
غلا: ها مشي مشي قدامي عرس خواتك وتقولي منهبطش
ناضت جبداتو من يدو تمشي فيه: هيا نهبطو نشوف خواتك ادا كملو نتا لي راح تخرجهم
كان يمشي معاها ويضحك هابطين فدروج وهو يقرص ويبوس فيها حتا قريب تبكي خاطر خسرلها لماكياج
~~~عند نور~~~
كتر من شهر مشافتش خالد ولا سمعت صوتو كانت متوحشاتو لدرجة كل ماتشوف ولدها تتفكرو تبقا تبكي
كل ماتسقسي عايلتو يقولولها مليح هدا وين كانو يحكيو معاه
نور حتا صوتك مستخسر تسمعهولي علا الاقل متبينش كرهك ليا قدام الناس😢😢
خزرت فحنان لي قريب تموت بلخنقة ملي جات لعندهم مسكينة توحمت علا راجلها سبحان الله حتا لوحام يخليك تكره لواحد حتا لوكان كان غالي عندك
حنان كانت تسنا ياسيين يجي قالت: نور قوليلي وقتاش تكمل فترة لوحام
نور: كي تكوني فشهر 4
حنان:😐😐انا داخلة ف3 ففف
نور: ماشي شرط كين نسا مايطولوش شهر برك وكاين يبقا معاهم حتا تولد مي الاغلبية ف4
حنان:😵😵😵ياربي كون يصرا هكدا راح نموت والله نشاله يروح عليا ف4
صونا تلفونها كان ياسيين ستأذنت وخرجت
قعدت تلعب معا فهد لي ولا يميز الاصوات ويفهم
سمعت تلفون يصوني ناضت تشوف تاع من بقات تبع الصوت حتا لقاتو تلفون خالتها فلكوزينة الظاهر نساتو خاطرها خرجت شافت شكون نومرو جديد ريبوندات
نور : الوو
حس قلبو راح يحبس شحال وهو يتمنا يسمع صوتها كان متوحشها عالاخر
بقا مدة ساكت مقدرش ينطق ستجمع شجاعتو وقال: سلام نور كيراكي
نور تصدمت صحيح تمنات هاد الشي مي متوقعتش ربي يستاجبلها بهاذ السرعة
حست الروح رجعتلها كي سمعت صوتو ها واش راح يصرالها كي تشوفو قالت بنبرة حزينة:اهلا سافا حمدلله ونتا
خالد بثقة: دوكا لحمدلله ونظن راح تزيد تتحسن حالتي كي نشوف مرتي
حشمت تسقسيه شكون يقصد بمرتي خافت يصدمها ويقولها ريم
قالت بشك هيا حاسة انو حكاية لكونكور مكانش منها: هاه قولي وقتاش تكمل لكونكور تاعك
خالد فهم بلي معرفاش بلحكاية اكيد باباه محكالهاش وحتا يماه لي درات بالشي لي صرالو بعد سمانة
نور تفو عليك لخامجة واش راح يقول عليك توحشتني تتوحشك لفعة يا لخانزة اييه واش فيها ويقول عندو لحق توحشتو وزيد بزاااف
خالد : نزيد شي يامات برك ونجي مي مراحش نعلمكم راح نديرها سوربريز
نور اه ارواح برك
قالت: لمهم متولش علينا فهد نسا وجهك
خالد حس براحة خاطر وصلو احساس من هدرتها انها تفقداتو فها لفترة قال ببتسامة:هممم زعما غير فهد لي نسا ولا حتا ماماه
نور قلبها رفرف من هاد لكلام قالت بدون وعي :واذا عقلي نسا قلبي مستحيل ينسا
ضربت راسها بيدها وعضت لسانها معرفتش كيفاش حتا خرج منها هاد لكلام سيرتو كي سمعت خالد تنهد تنهيدة طويييلة خرجت من اعماق اعماااق قلبو
مقدرش يوصف شعورو فها اللحظة كون يلقا يطير عندها حس انهم عصفورين يسناو يماهم وكتاش تجي تحميهم تحت جناحها من الاخطار
قال: وانا تاني صورتك جامي تروح من بالي
كمل بهدوء عكس النار لي شاعلة فيه:نور انا نخليك دوكا سلمي علا لعايلة وبوسيلي خدو لفهد وخدك تاني ههه
نور : اوكي بسلامة وكوبات مالغري كون تلقا متكوبيش تبقا تتسمع عليه حتا ادا مهدرش تسمع لانفاسو برك
أنت تقرأ
كرونيك :💕عنيد_&_عنيدة💕
Storie d'amore#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
