كرونيك :💕عنيد_&_عنيدة💕

الحلقة 137

الحلقة 137
~~~عند خالد~~~
حاس روحو جايح بغا لموت تجي تديه كلشي الا انو تخرج مرتو تسحرو جات بين عينيه نور اكيد كرهها بسبتها كيفاش راح يواجهها بصح شح فيه هو لي خشن راسو وراح تزوج عليها زكارة هاو واش ربح تخلا علا مرتو نور العاقلة والحنينة وراح بدلها بريم الشيطانة حتا ولدو حرمتو منو شافو كي كان فعمرو سمانة ودوكا عندو شهراين وهو مشافوش اكيد كبر لازم نعوضو ونعوض نور زعما تكون كرهتني لالا مستحيل
منير صاحبو: خالد لازم تشوف راقي يفك عليك هاد السحر
خالد بخوف سيرتو كي حس بلي راسو زاد فيه لوجاع قلبو قادر يحبس فأي لحظة قال: كيفاش يا منير كيفاش وانا كي نسمع لقرآن نحس لموت تجبد فيا حتا صلاتي تخليت عليها وزيد عايلتي كرهتهم حتا ولدي مشفتوش من السمانة لولى لي تولد فيها
خلاص مقدرش يتحكم فروحو قام يبكي بشهقة صاحبو حس فيه قال بحزن: متخافش راح تتفك من هاد السحر وتروح هاد الاحاسيس وترجع لعايلتك تعيش معاهم عادي متخافش راح نبقا معاك حتا تتخلص من محنتك وتقتارح انو مترجعش لدارك راح نعطيك مفتاح الشقة نتاعي رتاح فيها حتا تكمل اومبعد رجع
خالد متحسر اوكي يا ريم ان ماندمتك علا النهار لي فكرتي توصلي لهاد الشي منتسماش خالد ولد علي.
~~~عند غلا~~~
كانو فطنوبيل راجعين لدار كانت ساكتة اوخوفها من عزام سكتها
سمعت تلفون عزام يصوني تبسم : اهلا بولد العم ليك وحشة
عزام يحكي وغلا شاردة فيه ومركزة معا تفاصيل وجهو وشفاففو المنفوخين
عزام ضحك بقوة قفزت غلا من صوتو: هاه ياخي حمدلله كي قررتو اخيرا تعرسو الكبير فيكم عمرو فوق 30
غلا عرفت بلي يحكي معا ولاد عمو بقات تسمع واش يهدرو
عزام بخبث وهو يشوف فغلا لي مركزة معاه: ممم واشتبغي تعرف علا لعرس مكان والو كلشي يفوت نشاله ربي يسههلكم نشاله وضحك
غلا خدودها حمارو غرقت فحوايجها مشي لي سمعاتو دورت راسها عليه حست بماء بارد تكب عليها مازادت ركزت معا حتا كلمة قالها
وصلو للفيلا شافو يماه وخواتو قاعدين فلجنينة غمز لغلا باش يروحو يقعدو معاهم ووصا لخدامة توصل لكياس لجناجهم
غلا حست انها فرصتها باش تخلي عزام يقبل اعتذار ختو قربت لعندو وحكمت يدو بجرأة غريبة عليها
عزام حس بصباعها كي دخلو بين صباعتيه دار يشوف فيها يتأكد من إحساسو وانو غلا لي واقفة قدامو
غلا بخوف وتوتر من وقفتو قدامو بطولو وكتافو العراض لي يحجبو عليها كلشي قدامها قالت:نعرف بلي كترتها عليك بطلباتي مي نوعدك انو هاد اخر طلب
عزام ولات تخوفني طلباتها قلت بهدوء: اهدري
غلا وهي تشاور بعينيها لدنيا:عزام بليز عطيلها فرصة وسمحلها الندم راح يقتلها شوفها كيفاش متقدرش تحط عينهي فعينيك
عزام اه يا قلبي علا الحنينة تاعي قلت ببتسامة: اصلا كنت ناوي نسامحها بصح ماشي فخاطرك خاطر متزيدش بزاف وتخلينا مزال شهر برك
غلا شهقت:علاش راح تخمامها بعيد قالت اكيد حاب يقتلها
عزام ببتسامة : اومبعد تعرفي ولا نقولك ارواحي معايا دوك نقولهم وتعرفي
مشا قدامها وهي بقات واقفة فبلاصتها تتبع فيه بعينيها كي لحق لعندهم تحركت هيا
قعد قدامهم بعد ماسلم عليهم
يماه بغرور: بما انو عندكم حكايات خاصة علاش مرحتوش تحكيوها فداركم بينما تبقاو واقفين برا
غلا وصلت سمعت شوية من كلامها بقات واقفة كانها تسنا واحد يعطيها الاذن تقعد
عزام حس بخوفها وتوترها خاطر يماه ماهيش متقبلتها شاورلها تروح لعندو وهي ماصدقتش راحت تجري ترمات فحضنو حس انها فرخة تحتاج واحد تحتمي فيه
دينا ودنيا فرحت كي جات تقعد معاهم دينا كانت قريبة من غلا وشوشتلها: ربي يبارك يا غلا روضتي يا خويا ولا ما يبعدش من قدامك عشنا وشفنا خونا قاعد معانا
عزام شاف دينا لي توشوش وركز معا غلا لي تلون وجهها تبسم اكيد شي محرج مدامها تلونت هكدا اه نموت علا حشمتها انا