كرونيك :💕عنيد_&_عنيدة💕

الحلقة 44 _45

الحلقة 44 _45
~~~عند شمس~~~~
عيطت لحنان باش يخرجو معا يشريو الحوايج اللي لازمها باش توجد روحها ما حبتش تعدب نور معاها وهي علابالها بلي مزالها موجوعة من فراقها مع خالد
بعد ما كملو من الحوايج و لي بارفان قالت بتعب: حنان خلينا نريحو شوية و الله غير طابو رجليا ايا نروحو نشربو كاش حاجة
حنان : اوكي كيما تحبي
حنان مكانتش حابة تخرج مع شمس بصح خممت بلي معندها حتا واحد يوقف معاها فهاد اللحظات حتى من نور متساعدهاش ظروفها باش تعاون شمس
حنان تعصبت من خالد و من تهورو كي طلق نور كانت حابة تعرف السبة خاطر الشي لي قالو ليماه و باباه ما يدخلش لعقل
فيقها صوت شمس كي قالت: ههااي نتي وشبيك ليوم ملي خرجنا و نتي شاردة
حنان: نوو ما بيا والو
شمس شمتها بلي القضية تخصص نور وانو حنان عرفت بطلاقها من خالد
شمس بنبرة باردة: تخممي على نور
حنان بصدمة: وشعرفك و ديجا خالد البارح وين قالنا وانتي كيفاش عرفتي
شمس بهدوء و هي تلعب بلكاس لي فيدها: نور لي قالتلي وانا اقترحت عليها تنفاصل مع خالد
حنان بلعياط: وشراكي تقولي نتي اي وعلاش هدمتيلها حياتها
شمس عيونها خرجو كيشافت الناس يشوفو لطاولتهم الكل نتابه لحنان لعيطت بأعلى صوتها خصوصا شخص واحد معاه طفل صغير مانحاش عينيه من عندهم
شمس : خاطر خوك ما يستهلش وحدة كيما نور
حنان: شمس ماتهبلينيش و قوليلي واش صدا بيناتهم حتا وصلوها للطلاق
شمس تنهدت و عيونها مزالهم على الشخص لي مركز مع حنان:راح نحكيلك بصح توعديني راح تحفظي سر نور خاطر هي لي حبت
حنان: اوكي نوعدك احكي
حكاتها شمس كل الحكاية
~~~~عند ياسيين~~~~
كان يتمشا معا ولدو يشريلو الالعاب دخلو للكافتيريا طلب ليه قهوة ولولده قلاص حتا سمع الصوت لي تحفر فقلبو من فترة
شاف فيها لقاها هيا بصح ماعجباتوش صاحبتها تبان قليلة ادب خاطر كانت تشوف معاه بوقاحة هي كانت حابة تكسرلو خزرتو بصح هو ما فهماش وزاد تقهر من لبستها
اتبسم و قال شفت كيفاه النساء كامل كيفكيف حتا هي كيما صاحبتها برك كانت تمثل عليا خاطر انا بروفها ولا عجبتها ااه واش راك تخرف ديجا عجباتك نتا راك تنكر برك
سمع ولدو يحكي: بابا راهي تهدر معاك
رفد راسه و تصدم
شمس: ممكن نعرف علاش كنت مبلق عينيك فصاحبتي
ياسين حشم ما قدرش مامبا يريبونديلها
كملت تهدر: هدا كامل و نتا متزوج و عندك طفل صغير و الله غير الرجال..
قبل ما تكما قاطعتها حنان: كامل كيف كيف يلاه نمشيو ماتكسريش راسك معاه
حنان ماشافتش ياسيين كانت تظن بلي كاش واحد يتحرش بشمس علابيها دخلت خاطر شمس راح تكبر الحكاية
دورت راسها شافت استادها تبكمت
قربت عندو و قالت:اا استاد سمحلي ماكنتش عارفة بلي هدا نتا سمحلي حتا من ختي ماتعرفكش امسحها فيا اسمحلي