الحلقة 28
~~~عند الجدة~~~
كان قاعدة مع وليدها جمال يحكو حتى دخلت شمس
شمس شافت جمال و قالت هدا لي كان ناقص راحت سلمت عليهم وراحت باش تطلع لاشنبر بصح وقفها جمال لي نتابه لخدها و قال بخوف: شمس واش صرى تهاوشتي مع باباك
شمس تعصبت يعني لوكان ماشي هو لي نتابه مكنتش جداتها عرفت بشي
قالت: وانت علاش راك تسقسي ودورات باش تروح
جمال عيط عليها:شمس راني نحكي معاك وش هاد الاسلوب
الجدة: جمال ربي يخليك تهدن و شافت فشمس: وانتي روحي لاشونبر تاعك امبعد نتفاهم معاك
سمعت كلام جدتها و طلعت و جمال قعد قدامها معصب يزفر بقوة
عطاتلو يماه كاس ماء و قالت: يا وليدي علاش دير فيا هاكدا شحال من خطرة قوتلك بعد عليها و ماتهدرش خلاص معاها
جمال بحزن: وانا واش قولت ياك غير سقسيتها شكون ضربها
قالت: واذا عرفت شكون ضربها راح تكون معاها ضدو مستحيل هذا الا مضربتهاش حتى نتا
جمال سكت prsq علابالو بلي الهدرة تاع يماه صحيحة و اكيد شمس ما ضربها باباها هكاك
~~~عند شمس~~~
ملي دخلت و هي متسطحة فالسرير عيات من التفكير فيهم كل خطرة تتأكد بلي كلهم يكرهوها. تنهدت و هي تتحسس في خدها اااه يا ع.النور راح نعذبك ماتزيدش تشوف وجهي كان علابالها بلي هي نقطة ضعفها تبسمت و قالت ما انا نعرف بلي بعد يومين راح تجي تشوفني و تعتاذر
شافت تلفونها يصوني نوميرو جديد ريبوندات: الوو
إياد تنهد براحة صونها مليح ماتبانش بلي كانت تبكي ابتاسم كي تذكر بلي شمس ماتبكيش وشحال من خطرة و هو يسمع علياء تردد هاد الكلمة "شمس ما تبكيش"
شمس:اففف تهدر ولا نكوبي
شافت فالتلفون عوجت فمها و كوبات
أنت تقرأ
كرونيك :💕عنيد_&_عنيدة💕
عاطفية#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
