كرونيك :💕عنيد_&_عنيدة💕

الحلقة 140

الحلقة 140
~~~عند نور~~~
قلبها مهوش مرتاح حاسة بلي خالها مخبي عليهم حاجة وانو خالد مراحش يعدي كونكور
حطت ولدها لي كانت ترضع فيه خبات صدرها وبدات تبكي
اه ياخالد وين رحت علاش تغيرت هكدا رواح تشوف ولدنا كبر ولا يشبهلك رواح برك والله مانزيد نهاوشك ولا نطلب الطلاق حتا لو رجعتني خدامة ليك ولولدك نقبل والله غير نقبل هبطت لمستوا ولدها تبوس فيه وتشم فشعرو ريحة خالد تفتحت لباب نقزت من بلاصتها تمسح فدموعها كانت شمس لي تدخل بلا استأذان ولا دستور
شمس ضغطت علا روحها ودخلت اخيرا لدار خالها لي مدخلتهاش من نهار لي ضربها ايهاب جات باش تطمن علا نور
شمس ببتسامة: شفتك مابغيتيش طلي عليا قلت خلي نروح لعندها ونطمن عليها
نتابهت لعينيها باينة كانت تبكي سبت خالد وسبت معاه كل الرجال علا واش يديروه فالنسا
نور ببتسامة تحاول تخبي حزنها: كون عرفت بلي راح تجيني كنت ماطليتش من بكري
شمس تضحك:هاه والله وشكون قالك جيت علاجالك جيت باش نشوف فهد توحشتو
نور ضحكت عليها
~~~عند لبنات~~~
كانو مشغولات معا تجهيزات لعرس
دينا تشوف فكاتالوغ تاع لي غوب بلونش
قالت : اففف نبغي حاجة مميزة و غريبة
دنيا: والله كيما تشوفي معندناش لوقت نختارو شوفي حاجة سامبل وخلاص
دينا بفخر: هاه بغيتي نخلي الناس تشمت فيا واش مكيش عارفة انا بنت شكون
دنيا: غلا بغيتك تخرجي معانا نشرو حوايج النوم والله يما نحشمو قدامها ومنعرفوش نخيرو براحتنا
دينا:ايه ايه بغيتك دلينا علا لي سونتر لي شرالك عزام منهم نعرفو مايروح غير للوكس
غلا حشمت وتوترت خافت لوكان تتفضح قالت: ايه نروح مي والله غير نسيت اسم لي سونتر هادوك
دنيا بخبث: معليش عزيزتي حاولي تذكريه ولا نقولك كي تلبسي واحد لخويا ليوم سقسيه
دينا ودنيا طرطقو بالضحك علا غلا لي تبدل وجهها
غلا اخخ نسقسيه باس يكفخني بكاش طريحة وهو ملي صرا هداك الشي ميهدرش معايا اه ولا للتجاهل تاعو كيما لعادة مايفوتش نهار ويرجع يوريلي وجهو الحقيقي حتا كي وصلني عند بابا مدخلش رماني تما وراح حتا رجع فنص الليل روح بيا
ستلأذنت منهم وطلعت للدار عيب نبقا معاهم.لنص الليل وهما عمبالهم عزام فالدار