الحلقة 108
~~~عند شمس~~~
طلعت لاشونبر تاعها مسعورة قالت بقهر وهي ترمي فلمخدات : خليها تعرسلو مايهمنيشش فيهم
اياد سمعلها قال ببرود: خلي عليك هاد الكلام وخلينا نرجعو للدار
قالت بغضب: مانسكتش وما نروحش معاك راح نروح عند ماني وانت خلي ختك تزوجك بلي راح تجيبلك لولاد
كانت معصبة منو كي ماسكتش ختو قدامها وكأنو كان يسنا فيها تبررلهم علاش مارفدتش بالكرش هي ماشي بيدها بيد ربي سبحانو
عندهم شهرين ملي ولاو يرقدو معا بعض
اياد بتنرفيز: شمس متعانديس قسامي وخلينا طرونكيل مادامني ماشكيتلك من حتا حاجة
قالت بتنرفيز:ماشي لازم ختك دارت لواجب
اياد قعد قدامها وقال بهدوء باش يطفي لحرب لي قامت:شمس انا خلاص تفاهمت معا علياء باش ماتزيدش تدخل فحياتنا كامل
شمس دولت وجهها للجيهة التانية
كمل ببتسامة: وزيد ماعندناش شهراين ملي قمنا بلواجب وراح نوصلو للولاد ونجيبو عشرة منهم الا كتب ربي ضغط علا يدها بقوة
اخ يا إياد ختك فتحتلي جرحي وخلاتني نشك فروحي وفحياتي معاك شكيت بلي مصيرنا نتسيباراو قلت ببرود:اياد معليش تديني عند ماني نجوز عندها يامات بليز
اياد عرفها مجروحة وحابة تبعد باش ماتطرطقش عليه قال وهو يغمض فعينيه: اوكي راح نوصلك وقتما تحبي تولي عيطيلي نجي نروح بيك ودوكا خلينا نهبطو باباك جا وحنا مقعدناش معاه
شمس تفكرت علياء قالت بغضب: مانحبش خاطر هد..
اياد فهم قصدها سكرلها فمها وقال: لسانك لازم نقصوه
~~~فلفيلا عند سي منصور بابات عزام~~~
كانت تحس بلخوف من لبلاصة لكبيرة ولفخمة
كانت عينيها فكل مكان شافت عايلتو يماه 2خواتاتو توأم دنيا ودينا 20سنة يقراو فلفاك
دنيا تقرا comptabilité ودينا تصميم
يماه تونسية الاصل تزوجها بابات عزام باش تجيبلو لولاد بعد ماكان متزوج بنت عمو دام زواجهم 11سنة ماجابتش لولاد كانت عقيم علابيها فكر يتزوج تونسية اقل منها مستوى باش ماتتمسخرش علا مرتو بصح المكتوب ماكتبش بعد ماتزوج زادت عامين وماتت بعد ماولدت مرتو عزام
سي منصور همل دارو وولدو جامي شاف ولدو ولا لعب معاه يماه غراوها الدراهم واللبسة ونسات ولدها
غلا قاعدة قدام عزام قريب تدخل فحجرو من خوفها
خزرت فخواتو كانو راقيات لبسة شيك انيقات
عزام نتابه لخوفها وتوترها قال ببرود باش يوثق العلاقة بين خواتو وغلا : دنيا وصلي غلا للجناح تاعنا باش تريح
دنيا ربي يعينك يا غلا علا ما بلاك بيه قالت: هيا غلا ووقفت
قالت لختها بشويش : مشي معايا نستجوبو مرت خونا يعني لحكاية مبينة من عنوانها مسكينة شوفيها كيفاش يبان الخوف من وجهها
غلا قرب لعندي عزام وقال : روحي معا ختي تنعتلك الجناح تاعنا وديد بالك تفضحي علاقتنا اوكي
غلا بغيت نذبحو علا اسلوبو حسيب بتوتر من قربو قلت: اوكي وخنزرت فيه
شاورت لي ختو رحت معاها
دخلت للجناح فتحت فمي كان قصر ماشي جناح كلشي فيه فخم روعة
نتابهتلي ختو لشدة اعجابي
قالت بهدوء: راح يطلعو لخدم حوايجكم
قلت بتوتر: صحيتي تعبتكم معايا
دنيا اه مسكينة مرت خويا تبان عاقلة والله غير حسدتو لعزام فهاد الزين لي عايش معاه مالغري لبستها البسيطة اكيد راه معدبها ديجا الضحكة ميضحكش فوجهها وانا نعرفو خامج وفاشل
قالت ببتسامة: ما درنا غير الواجب وجات خارجة: اذا حتجتي كاش حاجة عيطي بتلفون راه فلكوزينة تجيك لخدامة
أنت تقرأ
كرونيك :💕عنيد_&_عنيدة💕
Lãng mạn#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
