كرونيك :💕عنيد_&_عنيدة💕

الحلقة 51

الحلقة 51
~~~~بعد شهر~~~~
عند نور
ملي طلبو منها تولي معا خالد وهي حابسة روحها فلاشونبر ما عرفتش علاش حابين يرجعوها لجحيمو بعد كل لي سمعاتو منو
تحسست كرشها كانت فالشهر الثالث و قالت: اسمحلي يا وليدي خاطر راح تعيش معا ام واب منفصلين
دخلت للدوش توجد روحها قبل ما يوصل خالد
~~~عند شمس~~~
كانت عند جداتها و عرفت بلي نور غصبوها باش ترجع لخالد تعصبت
جداتها بحنان: يا بنتي هي لازم تولي لدارها عند راجلها
شمس بففف واش نكره الرجال قالت:بصح خالد مايستهلش نور مسكينة نبصملك بلعشرة غير مريض
جداتها بعصبية: شمس مانسمحلكش تهدري على خالد هكا متنسايش هو وليد وليدي و هو اول حفيد للعايلةشمس يا حسرا على نور مسكينة راح تعاني معاه رازم نعيطلها نسقسي عليها شافت تلفونها يصوني كان إياد
ناضت و باست راس جداتها و قالت: يلاه ماني اني رايحة اياد وصل
خرجت ركبت معاه و هي مغزلة ردت السلام بتشناف
إياد مردش عليها تبسم و قال: واقيلا حابة تسكني عندهم و خنزر فيها
شمس مغزلة : اياد مانيش فارغة لسخافاتك بعدني
إياد بلعياط: ها ونتي وقتاش كنتي فارغة ليا أصلا عندنا شهر متزوجين على ورق وأنا صابر و ساكت على حقي بصح نتي ماينفعش معاك الطيب و ليوم راح ناخد حقي برضايتك ولا بسيف عليك
شمس بعصبية: ما عندك حتا حق عليا و جرب تقرب عندي تشوف
إياد: هاه كي نوصلو و تشوفي زاد فلفيتاس
شمس خنزرت فيه و قلبت وجهها ماداتهاش فتهديدو
~~~عند نور~~~
دخلت للدار وهي كارهة روحها راحت لاشونبر بدات دكرياتها تدكرت حتا ليلة عرسهم كان يتعامل معاها ببرود قعدت فلفراش و قالت: روح شوفلك بلاصة وحدوخرا ترقد فيها
خالد غزل من كلامها حب يغزلها قال: مليح كي جات من عندك ديجا انا مراحش نرقد معاك خاطر راح نتزوج و خايف لوكان منعدلش
نور تففوو رخيس حيوان قالت و هي متحكمة فروحها بالسيف: لا لا متخافش انا منقدرش نهنيك فحياتك روح شوف وحدة تهنيك انا رجعت لعندك على جال ولدي برك ونتا روح تحوس على سعادتك
ما حست غير بكف دورلها وجهها
خالد و هو يرص على سنانو: هدا باش ما تزيديش تردي لهدرة فوجهي و طولي لسانك معايا خرج و طربق الباب موراه
نور تبكي و هي حاكمة فخدها: يعطيك الصحة يا خالد لحقت بيك حتا وين ترفد يدك عليا