كرونيك :💕عنيد_&_عنيدة💕

الحلقة 65

الحلقة 65
راحت تسندت فوق لفوتوي حتا داتها عينها وغفات فسابع نومة
~~~الساعة 03:00~~~
الكل فاق علا صوت العياط
اياد ناض رابيد شاف شمس لقاها راقدة تفقدها و خرج طاير يشوف واش صرا
شاف ع.النور و باباها داخلين
اياد بخوف: واش صرا
الجد: مكان والو غير جماعة صايعين راهم سهرانين فلمزرعة لي قدامنا
اياد بتنرفيز: واش هاد التمسخير ملازمش نسكتولهم حنا معانا نسا و لولاد الصغار راح يخافو الجد: اييه وهدا لي درتو راني ديت نومرو تاع مول الزرعة دوك نعيطلو و نخبرو علا هاد التمسخير
اياد تنهد و قال: ربي يستر برك و كل واحد دخل لبيتو يرقد
دخل لاشونبر لقا شمس راقدة معوجة ماحاسة بحتا حاجة رفدها حطها قدامو فلفراش وتسطح قدامها بقا يشوف معاها و معا تفاصيلها : اه يا شمس لوقتاش راح نزيد نصبر عليك علاش تتهربي مني كل خطرة نحكم روحي بالسيف باش ما نغلطش معاك.باسها من خدها و هبط لرقبتها و شاف فصدرها لي نصو علا برا قال: هاه كيمرانيش نشبع بيك و نتي صاحية خليني نشبع ونتي راقدة
تنهد و قال: لا مستحيل نستغلك ونتي راقدة
غفا وهو ناسي يدو لي معنق بيها شمس
~~~فالصباح~~~
الساعة 10:00
فاقت علا لعياط و الهواش
كان عزام لي يتهاوش معا بباه
عزام بعصبية خاطر بباه ضربو قدام الخدامين:والله ما نخليهالك يا حميد لكلب راح نذبحك و نرميك للكلاب ياكلوك
خرج و كسر لباب موراه
ناصر: ماتخافش يا خويا مدام مزالني حي مايقر يمس منك حتا شعرة
حميد بخوف: يا مسيو ولدك صعيب و انا راني خايف علا روحي و علا بنتي
ناصر بإصرار: وانا قتلك متخفش ميصرا والوغلا كانت تبكي خايفة لوكان يدير لباباها حاجة راح تضيع
~~~عند نوور~~~
ملي تهاوشت معا خالد وهي محبوسة فشومبرتها.
كانت معا خالتها حفصة يحكيو
حفصة بخوف: سمعتو لعياط لبارح
نور: اييه واش صرا
هي فاقت علا صوت لعياط خرجت باش تشوف واش صرا اول ما فتحت لباب لقات خالد قدامها سكرت لباب فوجهو بقوة ورجعت رقدت و تجاهلت الموضوع
حفصة حكاتلها واش صرا
نور : ربي يستر من هاد الجيل
حنان كانت خارجة من السالدوبان
قالت وهي تتبسم: ايه والله غير جيل يهبل
كانت حاسبتهم يحكيو علا خالد
حفصة: ايه صح ربي يحفظلي ولادي و يخليهم ليا نشاله خرجت
حنان بتعجب: واش لحكاية واش صرا
نور تضحك: والله كنت عارفة بلي ما فهمتي والو هههه و حكاتلها لحكاية
~~~عند شمس~~~
فتحت عيونها بسيف حست بحاجة كابسة عليها
استوعبت الوضع نقزت بسرعة تعيط
اياد فاق مخلوع: واشبيك واش صرا هو راح بالو لحكاية الجماعة تاع لبارح
شمس بلعياط و هي تضربلو فصدرو: علاش قربت مار
اياد فهم واش تقصد سكرلها فمها و رجعها تحتو: خلعتيني حسبت كاش ما صرالك طلعتي تعيطي كي قربت منك
كمل يحكي بخبث: نبشرك خلاص ديت حقي منك و انتي راقدة طلعتي عجيبة كي ترقدي ما تحسي علا حتا حاجة
شمس نحاتلو يدو بقوة و ناضت من الفراش: رخيس ما نحبكش تقربلي نكرهك

اياد رجع تكسل و قال بابتسامة : انا الي نقرر وقتاش نقربلك غطا راسو بلمخدة وهو يضحك ههه دغفة صدقتها الحكاية