الحلقة 164
بعد ساعة
كملو لعشا وحس بملل بغا يروح يشبع من حبيبتو بعد حرمان طويا عيطلها فتلفون مريبونداتش مي اكيد فهمت عليه وهو ستأذن منهم وطلع لدارو
فتح لباب لقا الدار مضوية تبسم والفرحة باينة من وجهو
قعد فلفوتاي يسنا فيها تدخل
نور ستأذنت رفدت ولدها باش تطلع عندو كيشافتو يعيط تبسمت قريب طير من الفرحة واخيرا راح تعاود تجتمع بحبيبها
هبة: هاتي فهد من عندك نديه معايا باباك وخوك متوحشينو بغاو يشوفوه
نور بين الموافقة والرفض بغات باش ميديرونجيهمش ومبغاتش خاطر غريزة الامومة تمنعها
حفصة: ايه خليه معا يماك متخافيش ونتي روحي عند راجلك
هبة قامت مدت يديها لفهد لي موالف بيها سوطا لعندها يضحك قالت : روحي يا بنتي عند راجلك وخلي فهد عندي هاد اليومين برك
نور لااا يا ماما منقدرش جات تهدر حبستها حفصة تجر فيها للباب :روحي طولتي علا ولدي متخافيش حوايج فهد وجدناهم انا ويماك
طلعتها للدروج بعد مباست خدها وكملت بحب: ربي يخليك يا بنتي متزيديش علا خالد متسقسيهش خلاص خليه براحتو لي فيه مكفيه انا نتمنا من قلبي تنسيه فهاديك الشيطانة وراحت بعد ماشافتها نور تمسح دموعها
نور: خلاص متأكدة بلي كاينة حاجة هففف اصلا ميهمنيش لمهم راه معايا
~~~عند غلا ~~~
هبطها عزام عند باباها كان لمغرب وراح وهي محبستش دموعها لي من الصباح وهما علا خدها حتا عزام نتابهلها كي سقساها قاتلو عيانة برك وهو دار روحو مصدق
هيا كانت صح تعبانة نفسيا وجسديا حتا انو جسمها بدا يضعف بشكل ملحوظ الماكلت تقطعت عليها كانت تاكل قدام عزام برك باش متحسسوش
ملي دخلت عند باباها وهيا تبكي حتا عيط عليها: وكتاش تفهمي بلي عزام ميليقش بيك مغرور متكبر ظالم وفوق هدا طايش
غلا بشهاق:😭😭😭مي انا نبغيه راح نقبل نعيش معاه بعقليتو الصعيبة خير منروح معا يما لي طيشتني وانا صغيرة ودوكا جاية تديني وزيد ماشي برضايتها نتا لي غصبتها
باباها بضيق لانو كل لي قالتو صحيح هيا مبغاتش تشوفها خايفة من ردة فعلها وخايفت كون تتعلق بيها قال: معليش بنتي متأكد كي تشوفك راح تحن عليك وتحبك مهما كان نتي بنتها
غلا شافت فباباها بشوفات اول مرة يشوفها فيها مفهمهاش قالت بين روحها:طول عمرك ضعيف وراح تبقا ضعيف فلول مقدرتش تحميني من عزام ستسلمت ديراكت لقرارو ودوكا مقدرتش تتصرف حتا كي راهي رافضة تشوفني
قامت راحت من عندو بلا متنطق بحتا كلمة
حاسة بخنقة ووجيعة فقلبها تمنات تموت ولا يصرالها هاد الشي وتخدع عزام حبيبها
ماحستش برجيلها لي وصلوها لدارها اللول هيا وعزام رمات روحها فسرير لي كان يرقد فيه عزام مزالت ريحتو فيه دخلت راسها فلمخدة تبكيي تبكيي بشهقة😭😭😭
قرب الصباح يطلع وقربت لحظة الوداع
توقعاتكم واش راح يصرا معا غلا راح تهرب ولا راح تصرا حاجة تخليها تتراجع!!
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
