كرونيك :💕عنيد_&_عنيدة💕

الحلقة 87

الحلقة 87
~~~عند خالد~~~
فاق لقا روحو وحدو فلاشونبر دخل لسالدوبان دوش لبس وخرج تصدم من يمات ريم واش دير عندهم جات لعندهم لوتال (لوتال كان عبارة عن جناح كبير )
خزر فيها وهي قالت: صباح لخير يالعريس وغمزتلو بفرح
خالد عينيه تحلت من الصدمة ومن وقاحة هاد لمرا قال ببرود: صباح لخير مرحبا بيك
قال: دقيقة نعيطلك لريم ونولي
تذكر عمتو اللي ماخزرتش فيه ولا حكات معاه كي تزوج من بنتها حشمت منو حتا تعدا علا عرسهم شهر باش ولات لطبيعتها
عاود رجع لاشونبر خلعاتو هادي منين طارت سبحان الله لقاها لابسة ومعطرة ولماكياج مطلس ستغرب منها
قال ببرود: يماك تسنا فيك روحي شوفيها
لفت لعندو وقالت : علابالي دوك نروح مطولش هدرت معاها الصباح
خالد بصدمة: وقتاش الصباح
ريم تبسمت: فلفجر كي رقدت
خالد حكم روحو بالسيف باش مايتفجرش وهادي علاش تعيطلها فلفجر تعدا من قدامها يزفر دخل للسالدوبان وهي راحت عند يماها
~~~~عند شمس~~~
خرجت من السالدوبان بعد ما دوشت وريحت اعصابها خرجت لافتت فوطة علا روحها
راحت لدريسينغ تخرج واش تلبس شافت اياد ناض تبسملها وقال : علاش ما نوضتنيش ندوشو معا بعض
شمس: روح تزمر
اياد تبسم: ها ماتكثريهاش تعرفيني نديرها ونعاودلك
شمس: جبدت بيجامة تاعها وخرجت من لاشونبر راحت تلبس فشونبر لي كان يرقد فيها اياد
اياد يضحك عليها قام دخل لسالدوبان
شمس لبست نشفت شعرها ودارت من البارفان تاعها
هبطت تفطر تفكرت بلي ماعندهمش خدامة قالت: اففف وهدا تاني ماعرفتش علاش نحا الخدامة
اياد دخل على هاد الكلمات وهدر بلعقل:خاطر مانحب حتا يديرونجينا
شمس دارت لعندو وهي تحاول تبعد توترها قالت: ها وقولي واش راح ناكلو مليت من ماكة تاع برا
اياد بابتسمة: راح نعلمك الطياب سمانة وتولي احسن طباخة
شمس: ما نحبش تعلمني حابة ديرلي حاجة ناكلها دوك خاطرني جعت قراف
اياد حكمها من يدها وقال: ارواحي تشوفي كيفاش نوجدو الفطور يا لمعزة تا اياد وديجا ماتخافيش معاك احسن شيف فلبلاد
شمس خنزرت فيه قعدت فلكرسي وقالت: ها وريلي نشوف ترا
اياد جرها من يدها وقال: اروحي يا الشاطرة تعاونيني حاب نشوفك كيفاش تخدمي
حطلها لحليب تعسو بين ما يغلي وهو راح يوجد لقهوة و يوجد لي كراب
كانت تخزر فلحليب نخزها اياد يضحك عليها كي دارت لعندو حابة تعرش تفرغ لحليب فلاكوزينيار عيطت عليه وهي راح تبكي اياد مات عليها بالضحك

سكتها وقعدها قدامو تحشي فليكراب بنوتيلا النص تحشيه والنص تلحسو وهو يعيط عليها هي تخرجلو فلسانها قرب لعندها حتا وسخت حوايجها بشيكولا بدات تعيط عليه: هاا بعدني ها شوف واش صرا بسبتك
اياد يضحك عليها
تعصبت وقالت: اضحك ها علاش تضحك قربلي لبابي نمسح ها بناقص من هاد لماكلة
عطالها وقرب لعندها يمسحلها فمها خزرت فيه لحست شفايفها باش تنحي الشيكولا منهم
قطع عليهم تلفون اياد بعد عليها وراح يرد
شمس يبست فبلاصتها ودموعها علا خدها خوفها ميخليهاش تعيش معا اياد براحة

حمدت ربها كيما فاقلهاش اياد مسحت دموعها ودات وحدة من لي كراب لي كانو موجدينها كاس تاع لجو ولابوات تاع نوتيلا وراحت تجري لاشونبر تاعها
اياد كمل معا التلفون كانت جدة شمس تحاول فيه يخليها تروح لعندها تنهد وقال: ها والله ما نسامحك يا لميمة روحتي عليا اجمل لحظات فحياتي
دخل للكوزينة مالقاهاش نتابه لشي لي سرقاتو معاها تبسم وقعد يفطر وحدو