كرونيك :💕عنيد_&_عنيدة💕

الحلقة 143

الحلقة 143
~~~عند غلا~~~
كملت وخرجت كانت حشماااانة اول مرة تكون جريئة وتبين مفاصل جسمها قدامو راحت لعندو وراسها فالارض
عزام متسطح فلفوتوي حال زرار لولين من الشوميز
غلا توقعت نلقاه يتفرج مي لقيتو متسطح ويخمم سرحان
اه زعما فاش راهو يخمم والله ماقدرت نفهمو خطرات نحسو يبغيني ويبين حبو ليا وخطرات نحسو صح تزوجني باش يحققق انتقامو من بابا
قررت نوجد حاجة ناكلوها مكنتش نلقا راحتي كي ناكل معا عايلتو
دخلت كوزينة تاع دارنا كانت فخمة كلشي فيها جديد
خرجت لاسالاد وجدتها وحطيتها فلاطابل
كملت نوجد السكالوب وليفريت كنت حابة حاجة خفيفة توجد رابيد
عزام سمعت حسها فلكوزينة حسبتها راقدة مي واش راهي دير
حس بكرشو تزقزق قال: والله الجوع قريب يقتلني من كثر ماهي قاهرتني تهتم غير فماكلتي وليت نعاندها ومناكلش مي لحمدلله حست فيا واقيلا بديت نشم ريحة لقلا قررت نروح نشوف ونشبع روحي لابغا بالريحة
غلا كانت مندمجة معا القليان ماحستش بعزام لي دخل لعندها شافها موجدة لاسالاد راح قعد ياكل منها
غلا كملت حطيت داكشي فطبسي دورت باش نحطو فالطابلة باش ندي لعزام ياكل تفاجأت كي لقيتو قاعد قدامي وقتاش دخل محسيتش بيه
عزام كان ياكل ويستمتع بتظاريس جسمها الباينة من الروب تاعها
كي دارت لعندو تفجع هبط عينيه وكمل ياكل من لاسالاد عينيه راح يفضحوه وتبين مشاعرو قدامها
عزام اه راح نموت قبل لوقت راح تقتلني تي هيا بنظرة قدرت طيحني علا راسي وتخليني من اليوم الثاني نخطبها كون غير مشفتهاش هداك النهار فلقصر كون موصلتش لهاد الشي
وكون غير مفكرتش نذلك يا حميد خاطر للاسف بنتك ذلتني ذل بعمري ما شفتو
غلا صدمني بوجودو هنا سيرتو كي شفتو شارد يلعب بلفرشيطة فشلاظة
حطيت لماكلة الما والجي وليموناد خاطر عزام يحبو قلت :تفضل كنت ناوية نجيبلك للصالون بصح معليش وفرت عليا لخدمة
ترسمت علا شفافي تبسيمة مفهمتش علاش لمهم حبيت نكسر حاجز الخوف عندي
عزام اه وتزيد تتبسملي راح تجلطني حطيت راسي وبديت ناكل بشراسة ههههه تخلعت مني هيا كانت تاكل بهدوووء