الحلقة 116
فلعصر
غلا كانت قاعدة فلاشونبر معا لبنات ماحبتش تروح لشونبرتها هي وعزام
دنيا غاضتها من الصباح ماكلاتش حتا حاجة طلبت من الخامة تجيبلها سوب لعندهم وعندها ساعة وهي تحاول فيها تاكل
غلا ماقدرتش تاكل خايفة لوكان تعاود تتقيا قالت: مانقدرش يا دنيا والله مانقدر
دينا كانت تستف حوايجها فدريسينغ قالت: خليها ماتغصبيهاش كي تريح وتجوع راح تاكل
غلا تشكر ربها الف مرة لي جمعها بزوج خواتات ماجابتهمش مها
دنيا رمات روحها فسرير وقالت بسخرية: باينة ختنا موالفة تاكل من يد عزام
وضحكو غلا تبسمت حست بلي يخافو من عزام ويحسبولو حساب
عزام سمع كلامها دخل عليهم يتبسم: ايه وهدا لي خلاها تكبر جناحتيها عليا
قعد قدامها رفد المغرفة معمرة بشوربة وقربها لفمها غلا مصدومة كانت راح تبعدو عليها بصح هو مخلاهاش حاوط خصرها وقال بشوية : خلي الدلال تاعك لمبعد وكولي خيرلك
وكمل بنفس النبرة باش ما يشككش خواتو: يالا فتحي فمك حبيبتي
فتحت فمها بلغصب وكلاتها
بعد المغرفة الرابعة ماقدرتش تكمل بعداتو عليه بزربة وخرجت برا تجري
غلا ماتحملتش برودة قلبو وانا غلبانة خرجت نبعد عليه نروح نرقد فجناحي لي مانعرفش وينو حبسني عزام لي حكمني من ذراعي بقوة ولفني لعنو وقال بتنرفيز: وين راكي رايحة
غلا بتعب: حابة نرقد تعبت
عزام رحمها وداها للجناح تاعهم
غلا دخلنا للجناح مشفتش قاع فيه رميت روحي ديراكت فوق لفوتوي فصالون
عزام : روحي ترقدي فلفراش خير
غلا: لالا ماشي لازم موالفة
عزام: تنوضي قدامي ولا نجي ليك
غلا تجاهلتو ودارت للجهة الثانية
ما حست غير بروحها طايرة فسما بين يدين عزام راحت باش تعيط بصح حبسها كي ضربها لترمتها وقال : بلعي ماتفضحيناش باب لجناح مفتوح وصوتك راح يوصل لعندهم بلعي فمك خير
مشا بيها لاشونبر رماها فسرير وهي قعدت رابيد وبعدت عليه
غاضتو كي شافها تبعد خايفة قعد وقال: غلا واشبيك خايفة
غلا خايفة منك يا لمتوحش قالت: مانيش خايفة بصح بعد مني ماتقربش
عزام غزل منها تحمد ربها كي راني ساكتلها قال بخبث: وعلاش تخافي من قربي هاو عادي دوك توالفي بهاد الشي
غلا بغيت نقتلو العيا راح يقتلني وهو يتمسخر بيا قلت بخوف وانا نوقف فوق السرير: نقدر نرقد هنا مدام سمحتلي
عزام ببرود:بيانسور وجبد لغطا وشاورلها باش تدخل
غلا حست بلي وقعت فلفخ قالت بتوتر: انا نرقد هنا بصح نتا تخرج
عزام تنرفز سحبها من رجلها طيحها فسرير دخلها تحت لغطاوقال: نتي لكلام معاك عقيم وتكا قدامها غلا تحس بقلبها راح يحبس سيرتو كي بقا يمسحلها علا راسها ويلعب بشعرها
بعد ساعة من لخوف غفات وهي تحس بيدين عزام لي تتغلغل فشعرها بخفة تأمل شكلها باسها من خدها غطاها وخرج
~~~بعد سمانة~~~
عند خالد
عندو كثر من سمانة مراحش عند نور ولا شاف ولدو توحشهم بزاف
دخل علا ريم فلاشونبر شافها تخبي حاجة بزربة
ريم بخوف كانت تخبي هداك الشي لي عطاتهولها يماها (السحور) بصح صدمها دخولو المفاجئ قالت بتوتر: علاش مادقيتش فلباب قبل ما تدخل
خالد بشك من الي تخبيه خاطر عارف بلي وراها لفعة كبيرة واللي هيا يماها قال:ها ومن وقتاش ولينا نطبطو فلاشونبر تاعنا
ريم : ولوكان جيت نبدل فحوايجي
خالد شوفي كدبة خرى يا ريم نتي وين والحشمة وين ونتي لي زدمتي عليا من الليلة الولة وكأنك متعلمة وزيدي العرا لي تلبسيه فدار قال ببرود:هيه ومبعد يا راجلك ونتي مرتي شفت كلش
ريم ياربي كيفاش نديرلو وهو هنا شافتو راح يرقد قلبت عينيها وخرجت
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
