الحلقة125
~~~عند شمس ونور~~~
قاعدين فلكافيتيريا كل وحدة تشكي من همها فيزوج يرفو هموم فقلبهم
شمس بتنرفيز:انا خلاص عييت نحس بلي لوكان نزيد نقعد معاه راح نكرهو وادا كرهتو مستحيل نعاود نحبو مرة ثانية
نور شفتها حالة شمس متحبش حكايتها معا خالد تتعاود عليها قالت: صبري معاه وتجاهليه راهو يديرهالك بلعاني يحب يستفزك واذا علا الطياب رواحي عند يما تعلمك سمانة برك ترجك احسن شاف ههه
شمس بغضب: هاه يحليلو نتعلم علا جالو لا والف لا نخليه هكا حتا يكره ويجيب خدامة ياربي هلكني طول نهار وهو مخزنني فطياب ولخرى كي يجي ديراكت يزدم عليا نحسو ولا عنيف معايا خطرات كي مانحبش يغتاصبني
نور:😱😱😱 بصح نقولك شاح فيك نتي لي تمردتي عليه فلول ودوكا راح تخلصي وحلمي يجيبلك خدامة ونتي تقعدي لا خدمة لا قدمة
وانا نقولك روحي تكملي قرايتك ولا شوفي كاش ستاج
شمس بغضب: نو نو نو القراية نو ما صدقت كملت الباك قريب حكمني لهبال من عياط ماني وبابا ونتي تحبيني نكمل عند إياد والله غير يقطعلي راسي ويرميه للكلاب
نور: ايالا ماعليك غير تجبيلو شي ولد راح يتخلى علا هبالو وتحشمو ماتبقاوشو تتهاوشو قدام ولادكم
شمس : هيه واش ندير هدا مكتوب ربي
نور قامت وقالت: مزال شهر وتكملو عام ننصحك تكشفي عند جينيكولوغ
شمس بخجل: لا منقدرش نحشم منعرفش نتصرف
نور: نوضي معايا نديك عند الطبيبة لي تابعت عندها شاطرة يلاه نشوفو علاش هاد التأخر
شمس بزربة: لالا خايفة كون نطولو واياد تحلف فيا كون مانرجعش قبل التمنية
نور: مزال 2سوايع هيا معايا
قامت راحت معاها
~~~عند خالد~~~
كانت عندهم يماه وحنان حبو يطمنو عليه ويماه بما انو نور خرجت خلات عندها فهد قررت تديه يشوفو خالد
خالد متوتر كان يتبع فريم وفتحركاتها كأنو خايف تخليه بوحدو معاهم
يماه: يا ولدي نتا لازم تشوف طبيب مايليقش هكا
كانت خايفة عليه يتنارفا رابييد وولدو مشافش فيه خلاص
حنان بملل: يما يالاه نروحو طولنا هنا
كانت منقهرة كيما يماها والي زاد قهرها غرور ريم وتكبرها
حفصة رفدت فهد لي كان راقد وخرجو وخالد ما عياش روحو ممبا يساعفهم للباب
~~~فطنوبيل ~~~
حنان بغضب: الحق ماشي عليه عليا انا لي عييت روحي وجيت لعندو اخخ عندها لحق نور فكلشي
يماها بلعياط: حنان بلعي لي فيا يكفيا وكملت بحزن: هادا ماشي خالد ولدي مستحيل واش لي رجعو هكدا
حنان غاضتها يماها كملو ساكتين حتا وصلو للدار
~~~عند عزام~~~
كان قاعد معا خواتو وغلا كان مركز معا غلا لي مندمجة معا خواتو لي تعلقو فيها وحبوها
زعما قاعد يشوف التيفي بصح عينيه غصب يركزو علا غلا وحركاتها وضحكتها
كانت تلعب معاهم لكارت كانت معصبة كل دقيقة يخسروها تسحر من طريقة تعصيبها كيفاش تمد شفايفها وتقلبهم دير حركات تاع لولاد صغار كي يحبو يبكيو
عزام اه علا شفايفها نبغي نذوق جات لبالو فكرة قال وهو مركز معا غلا لي خسرت للمرة الالف : عاودو من لول وانا نلعب فبلاصة مرتي كان متعمد يقول هاد الكلمة
قعدت قدامها وهي مرفضتش بلعكس فرحت خاطر حابة تكسر خشم دنيا لي سحبتلها كامل لوراق قالت ببتسامة: ايه ايه خسرهم
كانت تشوف فيه نفسها ضرب فوجهو وريحتها دخلت فخشمو داخ منها ومن براءتها قال بثقة: ايه دوك تشوفي كيفاش نكرهم اللعب فلاكارت شحال من غلا عندي
شاف فيهم وقال: هيا بداو وزعي
دنيا ودينا بين حلم وحقيقة ما فاقو غير كي عيط: هييهووو بداو
غلا تضحك خاطرها تعرف بلي خواتو ماهمش مصدقين بلي عزام حنين
عزام عندو خبرة بهاد اللعبة ملي كان صغير يلعب بيها ماخذاش ثانية وهو مخسر دينا لي عصبت وسكتت
بعد فترة خسر دنيا وغلا عيطت من لفرحة وسوطات عليه بفرح وقالت بدلال: هاي ربحت ربحت
عزام داخ من براءتها وسعاتها من شي تافه
دنيا بغضب: هيه ماتفرحيش خاطر موش نتي لي لعبتي
غلا بجرأة ماعرفتش منين جاتها:نعرف بصح لي لعب راجلي وانا وراجلي واحد شافت فعزام وقالت: ياك صح
عزام يتبسم فرحان : ايه صح وقرصها من خشمها خزر فدنيا وقال: واقيلا ماصدقتيش بلي خسرتي بغيتي نعاودو نعاودو
دنيا بغضب: ايه نعاودو بصح غلا لي تعلب مكانش مشكلة الا عاونتها
أنت تقرأ
كرونيك :💕عنيد_&_عنيدة💕
عاطفية#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
