الحلقة 161
~~~عند شمس~~~
وجدت حوايجهم فليفاليز فرحانة بقرار اياد كي خمم يسافرو بغات تعوض ايامهم الاولى
دخلت لاشونبر تاعها لقات اياد يهدر فتلفون باين معصب خافت كون ترجع لمشاكل لحياتهم
بقات واقفة تشوف فيه
اياد كوبا وهو بقمة عصبيتو كيفاش ختو تتجرأ ختو تقولو قول لمرتك تعالج روحها ولا تزوج بمرا تجيبلك لولاد
اياد يغلي واشدخلها هو شكالها بحاجة لا وزيد تقول راح نخبر ع.النور يغصبها تعالج اذا نتا منفذتش واش قوتلك
شافها واقفة تشوف فيه عرفها خايفة من عصبيتو قال بهدوء: كمللتي
شمس: ايه وقربت قعدت قدامو وقالت: كنت تهدر معا علياء ياك
توقعت هاد الشي خاطرو توتر واكدلها شكها
اياد ببرود:ايه
شمس:فتحت معاك موضوع الحمل
اياد شاف فيها اخ سير علياء حكات معاها فلموضوع قبلي اكيد حملتها المسؤولية وهيا معندهاش بروبلام العيب فيا انا وانا راني نتعالج بديت العلاج بعد ماشكيت فروحي بعد ارتباطي بشمس بشهر
حسيت بضعفي كي نكون معاها فعلاقة شفت طبيب وطمنني بلي بروبلام صغير برك وتحسنت حالتي بزاف مي مبغيتش نخبر شمس خفت كون هيا تحب لولاد تتخلا عليا وهاد الشي راح يقتلني بمجرد نتخيلها فحضن وحداخر طولت فيها الشوفة حتا فيقتني كي هدرت
شمس غزلني بتجاهلو لكلامي قلت بتنرفيز: علاش ساكت اكيد تهاوشت معا علياء علا موضوع الحمل ياك
اياد: ايه صح واش بيك نتي
شمس تعصبت من علياء لي بغات تخرب علاقتها بإياد يعني بغات تخليه يعرف بلي العيب فيه
قالت: العيب فيا انا انا لي منجيبش لولاد وعندك خيارين يا طلقني يا تخليني معاك
اياد 😒😒شوف شوف كيفاش تكذب وهيا متأكدتش ممبا
قال بتنرفيز:ونتي واش خلاك تتأكدي بهاد الشي😠
شمس بكذب: رحت لطبيبة كشفت عليا تشفا هداك النهار كي تهاوشنا كذبت عليك كنت عند الطبيبة وهيا لي قاتلي عندي بروبلام
اياد😡😡😡😡شمس متخلينش نوريك تصرف ميعجبكش واش هاد الكذب لي طاح عليك هاه
شمس هاويلي زعما عارف بلي العيب فيه 😕😕
اياد كمل بغضب:وعلا حساب هدرتك بما انك رحتي للطبيبة فاكيد عرفتي بلي لعيب فيا ماشي فيك
شمس بخوف: يعني نتا كنت عارف بمرضك و
اياد: وادا ناوية تتخلاي عليا فهدا فأحلامك لو ظطريت نحبسك هنا معايا
شمس رمات روحها عليه عنقاتو بقوة قالت وهيا تبكي:😭😭😭لااا انا مستحيل نبعد عليك اياد نتا متعرفش مدا حبي ليك
بقات تبكي علا صدرو وهو حاوطها بدراعو زير عليها بقوة حس براحة من كلامها شمس تحبو مراحش تبعد عليه هو حس بالذنب تجاهها خبا عليها مرضو وهيا لي لازم تعرف مي حبو ليها وانانيتو وخوفو انها تبعد عليه خلاوه يخبي عليها
~~~عند نوور~~~
فيقها تلفونها ريبوندات بلا ماتشوف شكون
نور بنعاس:الوو
خالد: اححح علا صوتك
خالد وهيا تعدل روحها:خاالد😍
خالد:لالا خيالو 😛
نور بحب:كيراك
خالد:نكون مليح كي نشوفك
تنهدت وقالت: وكتاش تجي
خالد: توحشتيني صح ولا راكي تمثلي عليا
نور: كي تجي راح تشوف اذا صح ولا تمثيل
خالد متوحشها يخمم غير وكتاش يوصل عندها يشبع منها
قال : هاني جاي فطريق راح نشوف
نور توحشتو توحشت حضنو عنفو تعصيبو
قالت :قول والله
خالد: 😉والله
كوبات عليه نقزت شافت الساعة لقاتها10 خالد راح يوصل بعد زوج سوايع لبست حوايجها وخرجت بعد ما خلات فهد عند خالتها
رايحة عند لكوافيز قررت تكون ليوم عروسة لخالد
كملت شغلها فساعة دخلت للدار كشخت روحها لبست روب بلو طويلة سيري عليها نص كم بدونتال صدرها يبان شوية لبست فرقبتها سلسة ذهب رقيييقة فيها موتيف مالانهاية لبست لي بوكل تاعها دارت خاتم الزواج
شافت روحها تبسمت شحاااال مبقاتش تتلها براسها ديما مغبنة روحها
رشت برفانها وراحت تلبس لفهد باش يستقبل باباه
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
