كرونيك :💕عنيد_&_عنيدة💕

الحلقة 105

الحلقة 105
~~~عند نور~~~
كملت من دوش تاع ولدها حطتلو كريم مرطب للاطفال مسحت بخدها علا كرشو تحسس نعومتو قالت بفرحة اه يا ربي هاد الطفل غيرلي مسار حياتي كامل وليت نحس بالامومة صح نحس بلي نساني فخالد وظلمو ليا ولا واش نقول مانحبش عليه خاطر بفضلو جاني هاد الطفل الحلو البنين لهاد الدنيا لبستلو اللبسة لي جابتهالو حنان والله غير نحبها ها الحنان نشاله نشوفو ولادها حتا هي
رفدت فهد لي يبكي جوعان وبدات ترضع فيه
حست بلباب كي تفتح توقعت تكون يماها بصح طلع خالد اه واش جابو هادا فهاد لوقت ماشي من عوايدو ديما يجي مور لعصر ويبقا حتا لليل اه مسكينة مرتو ريم كاش نهار راح تقتلو كي راه يتجهل فيها هكا
خالد سحرو منظرهم قال ببتسامة: السلام وعليكم
منحاش عينيه من نور وهاد الشي لي قهرها قالت: وعليكم السلام الا راك حاب تشوف يما و بابا راهم فالصالون
هي تحاول تليكيديه باش يخرج وترتاح من شوفاتو
خالد تعصب من طردها ليه عناني قال وهو يقرب لعندهم قعد قدامها باس فهد فحجرها :وشكون قالك جيت لعندهم انا جيت علاخاطر ولدي
نور نحس بتريسيتي ضربت فلكور تاعي من قربو ليا قلت بتنرفيز وانا نمدلو فهد لي يبكي خاطرو ماشبعض: هاو ولدك كي تشبع منو عطيه ليما تجيبو
خالد غزل منها قال وهو يرجعلها فهد لحجرها: خلي منك هادو الحركات وسكتي الطفل راه شارك بلبكا خلعتيه بلعياط تاعك
وقف راح يخرج قال بغضب:هاد تشراك الفم لي عندك ولسانك الطويل نعرف كيفاش نتصرف معاك كي تكوني عندي وراح يخرج بصح حبساتو كي قالت بلعياط: خاالد طلقنيي طلقنييي خيرلك
خالد دار لعندها وقال ببرود: تحلمي بهاد الشي يا ممات ولدي وخرج
هي ولات تبكي خاطر خالد مايديرلهاش حسساب هو برك يتأمر عليها
~~~عند عزام ~~~
فاق من النوم راسو يوجع فيه خاطرو مارقدش للصباح بقا يفكر فالشي لي صرا معاهم لبارح شاف السعة لقها الوحدة نقز من بلاصتو بزربة يسب فروحو وفغلا لي منوضاتوش فلوقت باش يروح للخدمة واش راح يقول لباباه سيرتو كيولا عندهم اجتماع مهم زفر بغضب دوك تروح ثقة باباه فيه لي بسيف باش كسبها راح يقول بلي رجع لعوايدو
بعد شوية خرج من السالدوبان بلفوطة سمع تلفونو يصوني برا كان راح يخرج يجيبو بصح تفاجأ من غلا لي دخلت
غلا فاقت بكري وما خممتش تفيقو اصلا مزالها مغششة منو وكل ما تتفكر كلامو تاع لبارح تزيد تنقم عليه وتكرهو اكثر تلفونو ماداهش معاه لاشومبر من الصباح وهو يصوني كان باباه صونا كثر من 20 خطرة كسر خاطرها وريبوندات طمنطو علا ولدو قالها باش تعطيلو التلفون هي تبخصت اومبعد جمعت كل قوتها وقررت تديهولو في خاطر باباه
اول مادخلت وشافتو بلفوطة حطت عينيها وحست بوجع فكرشها
عطاتلو التلفون وهي ترجف قالت: هاك من الصباح وهو يصوني
عزام فرحت كي شفتها دخلت وتأكدت بلي راهي مليحة عقب لي صرا لبارح خاطر ولات لنفس اسلوبها لجاف وقفت مدة وانا حاكم التلفون مركز مع جمالها لي سحرني دقيقة حتا تفكرت بابا ريبونديت عليه بزربة
غلا قهرني بنظراتو لي تختارق لكور تاعي اخ واش هاد لكور لي عندو يفتق اه بصح كل مانتفكر كلامو تاع لبارح يوجعني قلبي نبغي نقتلو كيفاش يتجرأ يشك فيا وهو راجلي ماخليتوش يمسني