كرونيك :💕عنيد_&_عنيدة💕

الحلقة17

الحلقة17
~~اليوم الثاني فلبلاد~~
جاب لها جدها العود لي طلباتو و كنت طايرة من الفرحةوهي تمسحلو في شعره و حاكمتو من السرج
قالت: مرسي بزاف يا جدو يالغالي
قال:هذا باش تعرفي معزتك عندي انا مستحيل نرفضلك طلب نعرفك راح تعاديني و ماتجيش لعندي نشوفك و نتي غالية عندي و تبسم
شمس تنهدت و قالت: خلاص يلجدو من اليوم كل ما يحبو يجو انا نكون الاولى عندك
قال انشاله و شاف مرته و ع.النور و علياء و الولاد جايين يشوفو العود: راهم جاو باش يباركولك
كلهم راحو يشوفوها و هي تركب فيه الا هو حشم يخزر فيها قدامهم و تم واقف بعيد عليهم باش يستمتع بشوفتها
كانت لابسة بنطلون فار مليتار و بودي نوار ضيق و فاست و شعرها مسيب على كتافها
كي راحت تركب شافت فيهم و نحات لفاست تاعها و بانت لطاي وخرت شعرها مور وذنها و ها الحركة سحراتو لإياد مسكين هههه
تمسكت بالسرج و ركبت بخفة و كأنها مدربة على الفروسية
ابتاسمت و بدات تمشي فيه بشوية و الكل يضحك لها
فجأة ثار العود و بدى ينقز و يسوطي وهما معلبالهومش وش صرى بعد الكل من قدامو
ع.النور و الجد يحاولو يهديوه باش ينقضو شمس لي قريب دوخ من الخلعة لي حكماتها و هي فوقو مقدولوش كانت قوتو عجيبة لحضة حتى شافو شمس تنطرت من فوقو بقوة و طاحت
إياد كان مصدوم سيرتو كيشاف كيفاش طاحت
والعود راح يرفسها تحتو جرى لعندو ب بعدو عليها بقوة و نحاها من تحتو
~~بعد فترة~~
الكل داير عليها يستناوها تفيق بعد ما حطها اياد فالصالون و خرج باش ما يحشمهاش
فتحت عينيها بسيف و قالت: وين راني واش صرى
ع.النور كان قاعد قدامها مسح على راسها و قال: راكي لباس و الحمدلله على سلامتك
شمس و هي تتاوه: يا با يدي توجع فيا قرااف
جدها بخوف: قوم نديوها للطبيب راني خايف تكون يدها مكسرة
كان حاس بالذنب و الخوف ندم كي ما سمعش كلام وليدو كي قاله ما تجيبلهاش الفرس راح يكون خطر عليها
~~~عند إياد~~~
كان واقف قدام العود حاب يذبحو لانو اذاها لحبيبتو تنهد يعني حبيتها و انا عندي 3jours ملي عرفتها استغرب من روحه و شفها ها الشمس لي خلاني نطيح فيها
~~~عند خالد~~~
خبرو باباه بالتحضيرات كلها الا شرط نور
كان متكسل ف شومبرتو يخمم الا كان قرارو صحيح والا نور راح تسعدو بهاد الزواج ولا نو
بصح هو كان حاب يخير شريكة حياتو وحدو