كرونيك :💕عنيد_&_عنيدة💕

الحلقة20

الحلقة20
~~~فلاشنبر تاع شمس~~~
بعد ماوصلو كان الساعة عشرة تاع الليل سلمت على جداتها و راحت ترتاح
إياد و ع.النور ما خلاتهومش يروحو بقات وراهم حتى رضاو يبقاو حتى للصباح
ع.النور بعد ما تعشاو حط راسو و راح فسابع نومة
اياد كان سهران يخمم فشمس لي راه متعلق فيها رغم تصرفاتها القبيحة معاه
ناض من بلاصته و راح قدام باب تاع شمس
~~~فالصباح الساعة 11~~~
فاقت شمس على صوت الميساج لي وصل لتلفونها شافت فيه و استغربت كان الميرو جديد عليها ما عرفاتوش كا مكتوب فيها"جبانة يا شمس"
شمس بدهشة متأكدة هدا ما يكون غي الداب تاع إياد بصح منين جاب نومرو تاعي
ريبونداتلو بميساج"انت الجبان و حمار تاني مفهمتش بلي البلاصة لي تكون فيها تنعاف علابيها هربت يا المهبول"
دخلت الحمام دوشت وخرجت لبست روب قصيرة اورونج زادت فوقها فاست دجين و دارت فشعرها بوندانا اورونج كانت تبان طفلة صغيرة حطت مسكارا و قلوز في فمها رفدت تلفونها و خرجت كي وصلت للدروج وصلها ميساج فتحاتو"سبك ليا زاد راني نحسبهوملك راح تخلصيها غالية و لصانك راح نقصة يا ام لسان"
شمس افف وشهاد الداب عيطتلو ابال حابة تنحي غشها فيه بلميساج متقدرش بصح استغربت كي كوبا عليها ماريبونداش و عاود بعثلها ميساج"بباك راه قدامي منقدرش نريبوندي خلي حربك و سبك حتى نولي للمزرعة و راح نعاودلك"
سوبريمات لميساج و هي تسب فيه و تلعن كلب حقير طحان ما خلات في والو هههه
دخلت للصالون شافت جداتها تبسمتلها و قربت عندها سلمت عليها و قعدت قدامها و بقات تحضن فيها و تبوس
~~~عند جمال~~~
بعد ما هدر معا يماه و خبرتو بلي شمس رجعت استغرب من سبب رجوعها و ع.النور قالو بلي راح يطولو راح يبقاو شهر ولا كتر وهي ما كملتش سمانة و رجعت
جابت بدور قهوة و شافته سرحان مدتله الكاس و قالت: وشبيك حبيبي فواش راك تخمم
قال: والو سرحت برك و حط الكاس فالطابلة و قال :اني رايح نشوف يما توصي على حاجة
بدور:نو والو غير سلم عليها
جمال :اوكي نشاله وخرج حاب يشوف شمس عندو اكثر من شهر مشافهاش يعني من وقت هديك الحكاية
~~~عند حنان~~~
كانت تلح على ايهاب باش يديها عند جداتها و هو رافض خصوصا كي سمعها تحكي مع شمس على كذبتها باش ترجع
يعني هادي ماتحشمش كيفاش تكذب على بوها و تخليه يامنها راني نخمم نروح نفشخها بالعصا على عملتها