الحلقة36
تنهد و قعد مركز فيها كانت لابسة بنطلون نوار بودي روج مزير على صدرها و بسكات نوار و شعرها جمعات منو النص و النص لوخر خلاتو مسرح
نسا روحو حتى فاق ب ع.النور كي قال:اهلا إياد وين رايح علاش مزروب
إياد و عينيه فشمس: اهلا بيك والله غير عندي شغل لازم نروح
نتابه لشمس لي تنهدت بقوة و راحت تدخل
ع.النور: ماعليش بصح لازم تعاود تجي تزورنا ليوم ماكنتش فالدار سمحلي
إياد: نشاله و مشى
~~~بعد اسبووع~~~ شمس خرجت لعلياء قلبها بلسانها بصح علياء كانت تتجاهلها و متكثرش معاها لهدرة في خاطر راجلها و خوها لي حب عليها
كانت قاعدة فالصالون تتفرج على فيلم رعب هي و خاوتها معاها
دخلت علياء و شافتهم خايفين انصدمت و راحت بسرعة طفات TV
شمس بغضب: اااي نتي علاش طفيتيه
علياء: ماكيش شايفة بلي معاك صغار علاش درتيلهم هاد الفيلم
شمس: الا مكيش حابة ولادك يتفرجو ديهم منا ماشي طفيلي TV ودوكا شغليه و بعدي من قدامي
علباء بلعياط: جاد جمع خاوتك و طلع لفوق ازرب
جاد دا خاوتو و طلع
علياء بنرفزة اسمعي آخر مرة ولادي عندك داكور و طلعت وشمس تزفر موراها لوكان لقات راهي قتلتها
~~~عند نور~~~
كانت في دارهم ما صدقت خالد خلاها تروح
كانت متوحشا بباها و يماها و حتى بدر خوها
بعد ما تعشاو تلمو فالصالون يحكو
يماها: نور علاش ماتهدريش معا خالد تباتي عندنا ليوم
نور والله حتا انا توحشت نقعد معاكم بصح خايفة خالد ما يحبش ديجا هو بالسيف باش خلاني نجي تنهدت و قالت:نعيطله نقولو و نشوف
كي جات تروح حبستها يماها كي قالت:حقا نسيت نقولك بلي سقساتني عليك صاحبتك قاتلي الا درتي تسجيلات ولا مزال
نور ااه ديجا بداو التسجيلات قالت:علابالك و الله نسيت نهدر مع خالد باش يسجلني با انترنات و خرجت
صونا تلفونو ريبوندا ديراكت فرح كي شاف نومرو تاعها
خالد:الوو
نور بابتسامة: حبيبي ههه
خالد : ههه عيون حبيبها
نور: خالد حابة نطلب منك حاجة نشاله متردنيش
خالد: اييه كاش ماتحتاجي
نور بزربة: نبات عند يما
خالد : كيفااش!!عندك نصف ساعة نلقاك قدام لباب دوك نجي نديك و كوبا عليها
نور قريب تبكي: رخيس والله ما نويت بلي خالد لي حبيتو يكون انسان متسلط و بارد تففو على زواج لخرى واش داني و دوك واش نقول ليما والله غير حشمت
أنت تقرأ
كرونيك :💕عنيد_&_عنيدة💕
Romance#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
