كرونيك :💕عنيد_&_عنيدة💕

الحلقة 29

الحلقة 29
~~~عند إياد~~~
كان متسطح فالسرير يتبسم ااه على صوتها و قوتها ماعنديش شهراين ملي عرفتها وعشقتها لوكان عامين وش راح يصرالي هههه راح نكون مجنون ليلى
تنهد وانا علاش ما نحكيش معا علياء و نفتح معاها المضوع و تخطبهالي من عند ع.النور
وي وي لازم نهدر معاها لوقتاش نبقى هكا سلباتار ياك الخدمة و كاينة الدار و كاين علاش مانستاقرش و ندير عايلة

~~~بعد شهر~~~
عرس خالد
الكل فرحان سيرتو نور واخيرا راح تجتامع بحب طفولتها تحت سقف واحد
كانت آية فالجمال لابسة روب بلونش و مكياج سامبل كانت تمشي و راسمة فوجهها اجمل ابتسامة
كان على يمينها شمس تمشي و ترش عليها الورد كل الانظار عليها ما تقل على العروس فجمالها كانت لابسة روبة طولة نوار طولة نص صدرها على برا و محلولة عند الفخد و زادت طالون نوار(ملكة الاناقة) مكياج قوي برزلها عيونها و شعرها بوكلاتو
حنان خت العريس كانت قمة فالجمال روب دوري و مكياج صارخ
~~~عند الرجال~~~
ما فهمش شعورو الا راهو فرح ولا خوف من المستقبل مع هاد الانسانة لي هي مرتو من هاد الليلة راه يوليو يعيشو تحت سقف واحد
ايهاب فرح لخوه كان مستمتع بجو العرس و متلهي بالضيوف
ع.النور كان تما فالعرس لانهم خوال شمس
كان متضايق منها حقراتو قاع من اخر مرة تهاوش معاها ما زاد شافها كل ما يروح يشوفها ماترضاش تخرج عندو
توله لجمال لي قعد قدامو و قال: وشبيك راني شايفك سافا با
و كمل يحكي : ما تقوليش على جال الفرخة تا بنتك لوكان جيت فبلاصتك كنت هرست جدها حتى تسقم روحها و تخلي عليها هاد الطبايع
ع.النور: هاه نهرسها وانا ملي ضربتها زادت بعدت عليا ما شفتهاش هادي شهر و نتا تقلي هرسها
جمال: و الله ما فهمتها هاد الطفلة راهي فاهمتنا غالط
خلاص العرس و روحو كل واحد لدارو
~~~فالجناح خالد و نور~~~
دخل هو و نور الي راحت ديراكتمون قعدت فالكرسي
قال ببرود: وشبيك قعدتي مكيش حابة تبدلي
نور بغصة ديجا عيات من الروب ثقيلة عليها : دوك نروح و دخلت للدوش